Рэкценскі сельсавет (Слаўгарадскі раён)

Рэ́кценскі сельсавет — былая адміністрацыйна-тэрытарыяльная адзінка ў складзе Слаўгарадскага раёна Магілёўскай вобласці. Цэнтр — вёска Рэкта.

Рэкценскі сельсавет
Краіна	Беларуская ССР
Уваходзіў у	Слаўгарадскі раён
Адміністрацыйны цэнтр	Рэкта
Дата ўтварэння	20 жніўня 1924
Дата скасавання	30 лістапада 1961

У паняцця ёсць і іншыя значэнні, гл. Рэкценскі сельсавет.

Утвораны 20 жніўня 1924 года як Рэкценскі (Ракцянскі) сельсавет у складзе Журавіцкага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Журавіцкім раёне БССР. З 8 ліпеня 1931 года ў складзе Прапойскага раёна, з 12 лютага 1935 года ў складзе Доўскага раёна, які 5 красавіка 1935 года перайменаваны ў Журавіцкі раён. З 20 лютага 1938 года ў складзе Гомельскай вобласці. З 17 снежня 1956 года сельсавет у складзе Рагачоўскага раёна, з 11 чэрвеня 1957 года ў складзе Слаўгарадскага раёна Магілёўскай вобласці^[1]. 30 лістапада 1961 года скасаваны, тэрыторыя сельсавета ўвайшла ў склад новаўтворанага Свенскага сельсавета^[2].

Зноскі

1. Указ Прэзідыума Вярхоўнага Совета БССР ад 11 чэрвеня 1957 г. Аб пераліку Рэкценскага сельскага Совета са складу Рагачоўскага раёна, Гомельскай вобласці, у склад Слаўгарадскага раёна, Магілёўскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 6.
2. Рашэнне выканкома Магілёўскага абласнога Савета дэпутатаў працоўных ад 30 лістапада 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 2 (961).