Сербія

У паняцця ёсць і іншыя значэнні, гл. Сербія (значэнні).

Се́рбія (сербск.: Србија [sř̩bija]), Рэспу́бліка Се́рбія (сербск.: Република Србија) — заходне-балканская дзяржава. Выхаду да мора не мае, мяжуе з Венгрыяй на поўначы, Румыніяй і Балгарыяй на ўсходзе, Паўночнай Македоніяй на поўдні, Харватыяй, Босніяй і Герцагавінай і Чарнагорыяй на захадзе. Апроч таго, на захадзе ад краіны знаходзіцца рэспублікі Косава, суверэннасць якой Сербія не прызнае.

Рэспубліка Сербія
Република Србија
Герб Сцяг
Гімн: «Боже правде»
Дата незалежнасці	5 чэрвеня 2006 (ад Сербіі і Чарнагорыі)
Афіцыйная мова	Сербская
Сталіца	Бялград
Найбуйнейшыя гарады	Бялград, Нові-Сад, Прышціна[1], Ніш
Форма кіравання	Парламенцкая рэспубліка
Прэзідэнт Прэм’ер-міністр Прэзідэнт Нацыянальнага сходу	Аляксандр Вучыч Джура Мацут Ана Брнабіч
Тэрыторыя
• % воднай паверхні	0,13 (з Косавам)
Насельніцтва Сербіі
• Перапіс (2022)	6 664 449 чал.
ВУП (ППЗ)
• разам (2011)	78,869 млрд дол. (76-е месца)
• На душу насельніцтва	10,642 дол. (79-е месца)
ВУП (намінал)
• разам (2011)	45,064 млрд дол. (79-е месца)
• На душу насельніцтва	6,080 дол. (81-е месца)
ІРЧП (2011)	0,766
Назвы жыхароў	Сербы
Валюта	Сербскі дынар
Інтэрнэт-дамены	.rs, .срб
Код ISO	RS
Код МАК	SRB
Тэлефонны код	+381
Часавы пояс	+1
Аўтамабільны рух	справа[d][2]
Кантралюецца Косавам http://chartsbin.com/view/edr
Медыяфайлы на Вікісховішчы

Паводле даных перапісу 2022 года насельніцтва Сербіі складае 6 664 449 жыхароў^[1]. Сталіца краіны, горад Бялград з насельніцтвам больш за мільён чалавек, з’яўляецца адным з найбуйнейшых гарадоў у паўднёва-ўсходняй Еўропе.

Сербія з’яўляецца членам Арганізацыі Аб’яднаных Нацый, Савета Еўропы, Арганізацыі па бяспецы і супрацоўніцтве ў Еўропе, Партнёрства дзеля міру, Арганізацыі чарнаморскага эканамічнага супрацоўніцтва і Цэнтральна-еўрапейскай асацыяцыі свабоднага гандлю. Як кандыдат на сяброўства дзяржава вядзе перамовы аб уступленні ў Еўрапейскі Саюз. Краіна знаходзіцца ў працэсе далучэння да Сусветнай гандлёвай арганізацыі і з’яўляецца нейтральнай дзяржавай у ваенным дачыненні.

Сербія мае эканоміку з прыбыткам, вышэйшым за сярэдні, і дамінуючым сектарам паслуг. Краіна займае высокае месца ў рэйтынгах паводле індэксу сацыяльнага прагрэсу (45-е), глабальнага індэксу міру (48-е), адносна высокае месца ў рэйтынгу паводле індэксу развіцця чалавечага патэнцыялу (66-е) і з’яўляецца эканамічна ўмерана свабоднай краінай (77-е месца).

Зноскі

1. Население Сербии за десять лет сократилось на полмиллиона человек (руск.)
2. Србија на CIA The World Factbook-у
3. Статистички завод Републике Србије
4. 2011 Census of Population, Households and Dwellings in the Republic of Serbia: Comparative Overview of the Number of Population in 1948, 1953, 1961, 1971, 1981, 1991, 2002 and 2011, Data by settlements (нявызн.). Statistical Office of Republic Of Serbia, Belgrade (2014).
5. Београд, 28. септембар 1990. Устав Републике Србије. 9 одредби и 136 чланова
6. Выконвалася да 1991
7. З 1991 па 2006 Сербія і Чарнагорыя былі аб’яднаныя ў адзіную краіну