Саграда Фамілія

У паняцця ёсць і іншыя значэнні, гл. Царква Святога Сямейства.

Царква Святога Сямейства (поўная назва: Збавіцельны храм Святой Сям'і, катал.: Temple Expiatori de la Sagrada Família) — царква ў Барселоне, у раёне Эшампле, якая будуецца на прыватныя ахвяраванні пачынаючы з 1882 г., знакаміты праект Антоніа Гаўдзі.

Славутасць
Саграда Фамілія
катал.: La Sagrada Família
41°24′13″ пн. ш. 2°10′28″ у. д.HGЯO
Краіна	Іспанія
Месцазнаходжанне	Sagrada Família[d]
Канфесія	каталіцтва
Епархія	Roman Catholic Archdiocese of Barcelona[d]
Архітэктурны стыль	каталонскі мадэрн[d], неаготыка і Noucentisme[d]
Архітэктар	Антоніа Гаўдзі
Вышыня	162,91 м[1]
Матэрыял	камень[d], бетон, драўніна і шкло
Сайт	sagradafamilia.org (катал.)
Медыяфайлы на Вікісховішчы

Першы праект быў распрацаваны архітэктарам Франсіска дэль Вільяр (кат. Francisco de Paula del Villar y Lozano), на месца якога ў канцы 1883 года быў запрошаны А. Гаўдзі, значна змяніў першапачатковы праект. Па рашэнні ініцыятараў фінансаванне работ па будаўніцтве павінна выконвацца выключна за кошт ахвяраванняў вернікаў, што з'яўляецца адной з прычын такога працяглага будаўніцтва.

7 лістапада 2010 г. храм быў асвячоны Папам Рымскім Бенедыктам XVI і быў афіцыйна аб'яўлены гатовым да штодзённых набажэнстваў.

Дзякуючы ўсталяванню ніжняга элемента крыжа вежы Хрыста, 30 кастрычніка 2025 года базіліка Саграда Фамілія стала самым высокім храмам у свеце, дасягнуўшы вышыні 162,91 метра і пераўзышоўшы Ульмскі сабор^[2]. Панэлі, з якіх складаецца ніжняя частка крыжа, прыбылі ў Барселону ў ліпені 2025 года, а затым былі размешчаны на платформе над цэнтральным нефам. Там былі праведзены зборачныя работы, устаноўлена шкляное пакрыццё, завершаны ўнутраныя работы, у тым ліку ўстаноўка каменных элементаў^[3].