Сакар’я (рака)

У паняцця ёсць і іншыя значэнні, гл. Сакар’я.

Сакар’я (турэцк.: Sakarya; таксама Сангарыус: грэч. Σαγγάριος, лац. Sangarius) — рака ў паўночна-заходняй частцы паўвострава Малая Азія, упадае ў Чорнае мора. Асноўныя прытокі — Порсук, Анкара (на беразе якой размешчана сталіца Турцыі Анкара). Несуднаходная. У нізоўях размешчаны горад Адапазары. Вярхоўі ракі размешчаны ў гістарычнай вобласці Фрыгіі, а вусце ў Віфініі. Сакар’я з’яўляецца другой па велічыні ракой Турцыі, а яе працягласць складае па розных ацэнках ад 790 да 824 км. Плошча басейна каля 65 тыс. км ². Сярэдні расход вады каля 200 м3/с. У водах ракі водзіцца крымскі вусач.

Сакар’я
турэцк.: Sakarya
Характарыстыка
Даўжыня	824 км
Басейн	65 000 км²
Вадацёк
Выток	Çifteler[d]
• Каардынаты	39°21′10″ пн. ш. 31°03′32″ у. д.HGЯO
Вусце	Чорнае мора
• Каардынаты	41°07′37″ пн. ш. 30°38′56″ у. д.HGЯO
Размяшчэнне
Водная сістэма	Чорнае мора
Краіна	Турцыя
— выток, — вусце
Медыяфайлы на Вікісховішчы

Літаратура

• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).