Салігорскае вадасховішча

Саліго́рскае вадасхо́вішча^[1] — вадасховішча ў Салігорскім раёне Мінскай вобласці Беларусі на рацэ Случ, каля горада Салігорск.

Салігорскае вадасховішча
Каардынаты: 52°47′07,91″ пн. ш. 27°34′03,83″ у. д.HGЯO
Размяшчэнне	Беларусь
Вышыня над узроўнем мора	146,1 м
Даўжыня	24 км
Шырыня	2 км
Плошча	23,1 км²
Аб'ём	0,0559 км³
Даўжыня берагавой лініі	70 км
Найбольшая глыбіня	4,5 м
Плошча вадазбору	1793 км²
Упадаюць	Случ, Рутка, каналы
Выцякаюць	Случ
Год напаўнення	1967
Салігорскае вадасховішча
Салігорскае вадасховішча
Медыяфайлы на Вікісховішчы

Вадасховішча створана ў 1967 годзе ў мэтах забеспячэння вадой прадпрыемстваў вытворчага аб’яднання «Беларуськалій», рэгулявання сцёку ракі Случ абваднення сельскагаспадарчых угоддзяў, жыўлення рыбаводнай гаспадаркі^[1].

Плошча паверхні вадасховішча складае 23,1 км². Даўжыня 24 км, найбольшая шырыня 2 км. Даўжыня берагавой лініі 70 (61,2 км^[2]) км. Найбольшая глыбіня 4,5 м, сярэдняя — 2,5 м. Аб’ём вады 55,9 млн м³. Сярэдні шматгадовы сцёк 288 млн м³. Плошча вадазбору 1793 км². З захаду ўпадае рака Рутка.
Вадасховішча створана на месцы балотнага масіву (каля 40 % берагоў штучныя). Катлавіна моцна выцягнутая ў напрамку з паўночнага ўсходу на паўднёвы захад. Берагі нізкія, забалочаныя або ўмацаваныя дамбамі і насыпамі. Каля Салігорска вышыня берагоў 1—3 м. Моцна зарастае.

У вадасховішчы водзяцца шчупак, лешч, гусцяра, плотка, лінь, акунь і іншыя віды рыб.

Вакол вадасховішча створана зона адпачынку.

Зноскі

1. Беларусь 1995.
2. Водохранилища — Минская область. Морфометрические показатели и характерные уровни водохранилищ // Справочник «Водные объекты Республики Беларусь» Архівавана 9 кастрычніка 2020. (руск.)