Санта-Марыя-дэль-Мар
From Wikipedia, the free encyclopedia
Remove ads
Санта-Марыя-дэль-Мар (катал.: Santa Maria del Mar — царква Святой Марыі на моры) — гатычная царква ў Барселоне ў гістарычным квартале Ла-Рыберы. Пабудаваная ў 1329-1383 гадах, у эпоху росквіту ў Каталоніі гандлю і мараплаўства. Санта-Марыя-дэль-Мар уяўляе сабой выдатны ўзор каталонскай готыкі, які адрозніваецца чысцінёй і адзінствам стылю, што не ўласціва вялікім сярэднявечным збудаванням.
Першая згадка царквы Святой Марыі на моры адносіцца да 998 года. Узвядзенню сучаснага храма спрыяў канонік Бернат Льюль, які ў 1324 быў прызначаны архідэканам царквы. Будаўніцтва пачалося 25 сакавіка 1329 года, першы камень у падмурак царквы заклаў кароль Альфонс IV Арагонскі, пра што сведчыць запіс на лацінскай і каталонскай мовах на фасадзе царквы. Дапамогу ў будаўніцтве царквы аказалі ўсе гільдыі Рыберы. Узвядзенне сцен, бакавых капэл і фасадаў было завершана ў 1350 годзе. У 1379 годзе пажар знішчыў значную частку будынка. Будаўніцтва было скончана 3 лістапада 1383 г., а ўжо 15 жніўня ў царкве прайшла першая імша. Землятрус 1428 нанес сур'ёзныя страты будынку царквы і разбурыў вітражную разетку на заходнім фасадзе. Новы вітраж у стылі палымянай готыкі быў скончаны ў 1459 годзе.
9 сакавіка 1923 Папа Пій XI прысвоіў царкве Санта-Марыя-дэль-Мар званне Малой папскай базілікі.
Remove ads
Літаратура
- Barral i Altet, Xavier. Vitralls Medievals de Catalunya. Lunwerg Editores, Institut d'estudis Catalans, 2000. ISBN 84-7782-626-9.
- M. Lluïsa Ramos (2005), Catedrals, monestirs i grans edificis religiosos, Barcelona, Geoestel. ISBN 84-96295-15-X
Спасылкі
На Вікісховішчы ёсць медыяфайлы па тэме Санта-Марыя-дэль-Мар
Wikiwand - on
Seamless Wikipedia browsing. On steroids.
Remove ads