Сапармурат Авезбердыеў

Сапармурат Авезбердыеў (туркм.: Saparmyrat Ovezberdi) (21 лютага 1939, Бахардэн — 19 чэрвеня 2009) — туркменскі паэт , перакладчык і журналіст.

Сапармурат Авезбердыеў
Асабістыя звесткі
Дата нараджэння	21 лютага 1939(1939-02-21)
Месца нараджэння	Бахердэн[d], Бахардэнскі этрап[d], Туркменская Савецкая Сацыялістычная Рэспубліка, СССР
Дата смерці	19 чэрвеня 2009(2009-06-19) (70 гадоў)
Месца смерці	Вірджынія, ЗША
Прафесійная дзейнасць
Род дзейнасці	журналіст, паэт, перакладчык
Узнагароды	David Burke Distinguished Journalism Award[d]
sovezberdi.com

У Вікіпедыі ёсць артыкулы пра іншых людзей з прозвішчам Авезбердыеў.

Біяграфія

Нарадзіўся 21 лютага 1939 ў Бахардэне.

У ліпені 2004 эміграваў у Вашынгтон з-за пераследу з боку тагачаснай туркменскай улады^[1].

Памёр 19 чэрвеня 2009 пасля доўгай і цяжкай хваробы.

Творчасць

Аўтар сямі зборнікаў вершаў на туркменскай мове^[2], кнігі паэзіі «Светлоликая» (на рускай мове). У 1981 годзе таксама выйшаў зборнік вершаў і паэм Авезбердыева «Viltis» (на літоўскай мове, пераклад Робертаса Кетуракіса  (літ.)). Авезбердыеў перакладаў на туркменскую мову творы літоўскіх паэтаў (Эдуардаса Межэлайціса, Саламеі Нерыс і інш.), асобныя вершы Расула Гамзатава, Тараса Шаўчэнкі, Лесі Украінкі і іншых літаратараў. Творы самога Авезбердыева перакладаліся таксама на нямецкую, украінскую, эстонскую, турэцкую, балгарскую, азербайджанскую, іспанскую, рускую, якуцкую і іншыя мовы^[3].

Таксама вядомы сваёй журналісцкай дзейнасцю, працаваў карэспандэнтам туркменскай службы радыё «Свабодная Еўропа».

Узнагароды

Узнагароджаны памятным медалём і дзвюма ганаровымі граматамі Літоўскай рэспублікі.

8 верасня 2004 Авезбердыеў атрымаў прэмію «David Burke Distinguished Journalism Award»^[4].

Зноскі

1. ТУРКМЕНИСТАН: ДАВЛЕНИЕ НА СЕМЬЮ КОРРЕСПОНДЕНТА РАДИО «СВОБОДА» САПАРМУРАДА ОВЕЗБЕРДЫЕВА Архівавана 7 красавіка 2022. (руск.)
2. Издания — S.O. Поэт и Журналист Архівавана 4 сакавіка 2016. (руск.)
3. Гл. № 1
4. Burke Awards — 2004 Winners Архівавана 15 кастрычніка 2011. (англ.)