Сапёр

У паняцця ёсць і іншыя значэнні, гл. Сапёр (значэнні).

Сапёр (ад фр.: sapeur — весці сапы, падкопвацца) — асоба, якая знаходзіцца на службе ў інжынерных войсках, асноўнай задачай якіх з'яўляецца інжынернае забеспячэнне ваенных дзеянняў абарончага ці наступальнага характару.

Ваеннаслужачыя інжынерных войскаў у Пакістане

Мостаўкладчык усталёўвае пераправу праз раку

Cапёры падчас Вялікай Айчыннай вайны

Гістарычна задачамі сапёраў з'яўляліся: стварэнне падкопаў пад абарончыя збудаванні ці капанне траншэй для скрытнага набліжэння да пазіцый праціўніка; стварэнне ўласных фартыфікацыйных збудаванняў на лініі фронту; забеспячэнне перапраў праз рэкі, балоты; наладжванне ліній забеспячэння і аднаўленне разбураных аб'ектаў інфраструктуры; абясшкоджванне мін, ракет і снарадаў.

У бытавым ужыванні сапёрам завецца чалавек (не абавязкова ваеннаслужачы), які займаецца абясшкоджваннем мін і снарадаў, якія не разарваліся.

Гісторыя сапёрнай справы

З'яўленне тэрміна «сапёр» адносіцца да XVII стагоддзя, калі так звалі ваеннаслужачых, якія здзяйснялі падкопы пад крапасныя збудаванні праціўніка для іх наступнага разбурэння^[1]. У 1678 годзе сапёры былі вылучаны ў спецыяльныя часткі і падраздзяленні ў Францыі^[1]. У XVIII — XIX стагоддзях кола задач сапёраў паступова пашыралася.

У XX стагоддзі адбылася спецыялізацыя — і са складу сапёраў вылучыліся чыгуначнікі, паветраплавальнікі, аўтамабілісты і інш^[1].

Вядомыя сапёры

• Андрэй Мікалаевіч Жук

Гл. таксама

• Сапёрная лапатка
• Інжынерныя войскі
• Сапёр, гульня

Зноскі

1. Сапёры (руск.)(недаступная спасылка). Вялікая савецкая энцыклапедыя. Праверана 20 верасня 2009.(недаступная спасылка)