Саша Гітры

Саша Гітры (фр.: Sacha Guitry, сапраўднае імя Аляксандр Жорж П’ер Гітры, фр.: Alexandre Georges-Pierre Guitry; 21 лютага 1885(1885-02-21)^[2][3][…], Санкт-Пецярбург^[1] — 24 ліпеня 1957(1957-07-24)^[2][3][…], Парыж^[4]) — французскі пісьменнік, акцёр , рэжысёр і прадзюсар, драматург, напісаў больш за сотню п’ес і зняў па некаторых з іх фільмы.

Саша Гітры
фр.: Sacha Guitry
Імя пры нараджэнні	фр.: Alexandre-Georges-Pierre Guitry[1]
Род дзейнасці	сцэнарыст, драматург, кінарэжысёр, тэатральны рэжысёр, лібрэтыст, тэатральны акцёр, кінаакцёр, аўтар, рэжысёр, акцёр
Дата нараджэння	21 лютага 1885(1885-02-21)[2][3][…]
Месца нараджэння	Санкт-Пецярбург, Расійская імперыя[1]
Дата смерці	24 ліпеня 1957(1957-07-24)[2][3][…] (72 гады)
Месца смерці	Парыж, Парыж[d], рэгіён Іль-дэ-Франс, Метраполія Францыі, Францыя[4]
Месца пахавання	могілкі Манмартр[5]
Грамадзянства	Францыя[6]
Бацька	Lucien Guitry[d]
Маці	Renée Delmas[d]
Жонка	Charlotte Lysès[d], Yvonne Printemps[d], Jacqueline Delubac[d], Geneviève Guitry[d] і Лана Марконі
Альма-матар	ліцэй Жансон-дэ-Саі
Член у	Ганкураўская акадэмія[d]
Узнагароды і прэміі
Аўтограф
Медыяфайлы на Вікісховішчы
Творы ў Вікікрыніцах

Біяграфія

Нарадзіўся ў сям’і Люсьена Гітры, акцёра Міхайлаўскага тэатра ў Пецярбургу, і Рэнэ Дэльма, дачкі пісьменніка і журналіста Рэнэ дэ Пон-Жэста. Хросным бацькам быў расійскі імператар Аляксандр III; у памяць аб гэтым Саша Гітры выкарыстоўваў у псеўданіме рускую памяншальную форму свайго імя.

Гітры дрэнна вучыўся ў школе, што было звязана з пераездамі яго бацькі, затое з ранніх гадоў пачаў граць у тэатры і пісаць п’есы.

Першы фільм Гітры зняў у 1915 годзе, сур’ёзна заняўся кіно з 1935 года, ацаніўшы перавагі кінематографа, які захоўвае выяву «навечна», перад тэатрам.

У гэтыя гады кандыдатура Гітры прапаноўвалася для абрання ў Французскую акадэмію. Гітры адмовіўся ад прапановы, бо неабходнай умовай для абрання была адмова ад акцёрскай дзейнасці. У 1939 годзе стаў членам Ганкураўскай акадэміі.

У перыяд нямецкай акупацыі Гітры не пакінуў Парыж. На працягу чатырох гадоў ён працягваў тэатральную дзейнасць у горадзе, што выклікала абурэнне з боку змагароў Супраціўлення. Пасля вызвалення Францыі Гітры быў арыштаваны і ўтрымліваўся пад вартай 60 дзён без прад’яўлення абвінавачання, пасля чаго справа была закрытая.

Яго апошняй, пятай, жонкай была акторка Лана Марконі.

Памёр 24 ліпеня 1957 года. Пахаваны ў Парыжы на могілках Манмартр.