Саяна-Шушанская ГЭС

Сая́на-Шу́шанская гідраэлектрастанцыя імя П. С. Непаро́жняга — найбуйнейшая па ўсталяванай магутнасці электрастанцыя Расіі, 7-я — сярод дзеючых гідраэлектрастанцый у свеце. Размешчана на рацэ Енісей, на мяжы паміж Краснаярскім краем і Хакасіяй, каля пасёлка Чаромушкі, каля Саянагорска. З'яўляецца верхняй ступенню Енісейскага каскада ГЭС. Унікальная арачна-гравітацыйная плаціна станцыі вышынёй 245 м — самая высокая плаціна Расіі^[2] і адна з найвышэйшых плацін свету. Назва станцыі паходзіць ад назваў Саянскіх гор і размешчанага непадалёк ад станцыі сяла Шушанскае, шырока вядомага ў СССР як месца ссылкі У. І. Леніна.

Саяна-Шушанская ГЭС
Краіна	Расія
Месцазнаходжанне	Хакасія Краснаярскі край
Рака	Енісей
Каскад	Енісейскі
Уласнік	РусГідра
Статус	Дзеючая
Год пачатку будаўніцтва	1963
Гады ўводу агрэгатаў	1978/1985
Асноўныя характарыстыкі
Гадавая выпрацоўка электра­энергіі, млн  кВт⋅г	23 500[1]
Разнавіднасць электрастанцыі	Плацінная
Разліковы напор, м	194
Электрычная магутнасць, МВт	6400[1][заўв 1]
Характарыстыкі абсталявання
Тып турбін	радыяльна-восевыя
Колькасць і марка турбін	6×РО-230/833-В-677, 4×РО-230-У-677
Расход праз турбіны, м³/с	10?358
Колькасць і марка генератараў	3×СВФ-1285/275-42 УХЛ4, 7×СВФ1-1285/275-42 УХЛ4
Магутнасць генератараў, МВт	10×640
Асноўныя збудаванні
Тып плаціны	бетонная арачна-гравітацыйная
Вышыня плаціны, м	245
Даўжыня плаціны, м	1074
Шлюз	няма
АРП	500 кВ
На карце
Саяна-Шушанская ГЭС
Медыяфайлы на Вікісховішчы

Будаўніцтва Саяна-Шушанскай ГЭС, распачатае ў 1963 годзе, было афіцыйна завершана толькі ў 2000 годзе. Падчас будаўніцтва і эксплуатацыі ГЭС мелі месца праблемы, звязаныя з разбурэннем вадаскідных збудаванняў і ўтварэння расколін у плаціне, пазней паспяхова вырашаныя.

17 жніўня 2009 года на станцыі адбылася найбуйнейшая ў гісторыі расійскай гідраэнергетыкі аварыя, якая стала прычынай гібелі 75 чалавек. Аднаўленне станцыі павінна быць завершана ў 2014.

Заўвагі

1. З лютага 2013 года рабочая магутнасць станцыі складае 3840 МВт (6 гідраагрэгатаў па 640 МВт). Па меры замены гідраагрэгатаў рабочая магутнасць станцыі будзе ўзрастаць аж да ўсталяванай. Пры выпрабаваннях гідраагрэгата нумар 5 была дасягнута магутнасць у 723 МВт, пры дапушчальных вібрацыйных і тэмпературных характарыстыках, з выкананнем усіх нормаў і правілаў выпрабаванняў. Завяршэнне аднаўлення станцыі запланавана на 2014 год.