Свята-Георгіеўская царква (Галынка)

Свята-Георгіеўская царква — мураваны праваслаўны храм у аграгарадку Галынка Зэльвенскага раёна Гродзенскай вобласці. Знаходзіцца ў цэнтры паселішча.

Праваслаўны храм
Свята-Георгіеўская царква
53°12′41″ пн. ш. 25°02′17″ у. д.HGЯO
Краіна	Беларусь
Аграгарадок	Галынка
Канфесія	Праваслаўе
Епархія	Гродзенская і Ваўкавыская
Благачынне	Зэльвенскае
Будаўніцтва	1996—2012 гады
Стан	дзейнічае

У паняцця ёсць і іншыя значэнні, гл. Свята-Георгіеўская царква.

Гісторыя

У 1896 годзе была пабудавана першая вядомая царква (3 лістапада 1896 года яна была асвечана). У 1943 годзе драўляныя часткі царквы згарэлі. У такім паўразбураным стане, царква прастаяла да 1972 года. У 1972 годзе сцены, падмурак і царкоўная агароджа былі разбураныя.

14 чэрвеня 1995 года мітрапалітам Філарэтам было асвечана месца пад будаўніцтва новай царквы. 23 кастрычніка 1996 года адбылася закладка царквы.

10 лістапада 2012 года архіепіскапам Арцеміем царква была асвечана^[1].

Архітэктура

Пабудавана з цэглы. Вырашана манументальным прамавугольным у плане аб’ёмам з папярочным трансептам, на скрыжаванні якіх узведзены магутны 8-гранны светлавы барабан, завершаны цыбулепадобным купалам. Над фасадам надбудавана 4-гранная званіца, завершаная цыбулепадобным купалам на гранёным барабане. Бакавыя фасады расчлянёны на 3 арачныя праслы з высокімі і вузкімі арачнымі аконнымі праёмамі. Аркатурай крапаваны і франтальны фасад, па цэнтры якога, як і ў крылах трансепта, акруглы аконны праём (характэрны для стылю мадэрн)^[2].

Зноскі

1. Храм святога велікамучаніка Георгія Перамаганосца д. Голынка Архівавана 24 снежня 2019.
2. Георгіеўская царква (нявызн.)(недаступная спасылка). Архівавана з першакрыніцы 31 снежня 2022. Праверана 24 снежня 2019.