Свята-Георгіеўская царква (Мір)

Свята-Георгіеўская царква — праваслаўны храм у г. п. Мір Карэліцкага раёна Гродзенскай вобласці.

Праваслаўны храм
Свята-Георгіеўская царква
53°27′18,73″ пн. ш. 26°28′39,65″ у. д.HGЯO
Краіна	Беларусь
Гарадскі пасёлак	Мір
Канфесія	Беларуская праваслаўная царква
Епархія	Навагрудская епархія
Архітэктурны стыль	рэтраспектыўна-рускі стыль
Дата пабудовы	1910 год
Медыяфайлы на Вікісховішчы

У паняцця ёсць і іншыя значэнні, гл. Свята-Георгіеўская царква.

Гісторыя

На могілках. Пабудавана ў 1910 годзе з цэглы. Прыпісная да Троіцкай царквы.

Архітэктура

Помнік архітэктуры рэтраспектыўна-рускага стылю. Вырашана кубападобным аб'ёмам, да якога далучаюцца прамавугольныя ў плане апсіда і прытвор. Шатровы дах завершаны чатырохгранным драўляным барабанам з макаўкай, прытвор — шчытом з 2 арачнымі праёмамі. Уваход вырашаны арачным праёмам у кілепадобным абрамленні. Фасады прарэзаны арачнымі аконнымі праёмамі з броўкамі, крапаваны нішамі, дэкарыраваны рэльефнымі крыжамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Георгіеўская царква (Мір)
• Свята-Георгіеўская царква (Мір) на сайце Праваслаўная архітэктура Беларусі (бел.)
• Свята-Георгіеўская царква (Мір) на сайце Radzima.org
• Свята-Георгіеўская царква (Мір) на сайце Глобус Беларусі (руск.)