Свята-Мікалаеўская царква (Вялікія Сяхновічы)

Свята-Мікалаеўская царква — драўляны праваслаўны храм у вёсцы Вялікія Сяхновічы Жабінкаўскага раёна Брэсцкай вобласці, помнік беларускага народнага дойлідства.

Царква
Свята-Мікалаеўская царква
52°14′37,26″ пн. ш. 24°01′34,54″ у. д.HGЯO
Краіна	Беларусь
Вёска	Вялікія Сяхновічы
Канфесія	Праваслаўе
Епархія	Брэсцкая і Кобрынская
Благачынне	Жабінкаўскае
Архітэктурны стыль	народнае дойлідства
Дата пабудовы	1727 год
Статус	Гісторыка-культурная каштоўнасць Беларусі, шыфр 112Г000238шыфр 112Г000238
Стан	дзейнічае
Глобус Беларусі	globustut.by/bol_sehnov/…
Медыяфайлы на Вікісховішчы

У паняцця ёсць і іншыя значэнні, гл. Свята-Мікалаеўская царква.

Гісторыя

Папярэдняя царква вядома з 1475 года. Існуючая царква пабудавана да 1727 года, перабудавана ў 1860-я гады. У 2007 годзе храм быў занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.

У царкве быў ахрышчаны Якаў Жалязоўскі — епіскап Брэсцкі (1848—1870).

Архітэктура

Бакавы фасад

Помнік драўлянага дойлідства. Асноўны прамавугольны зруб з алтарнай часткай уверсе трохграннай, унізе прамавугольнай, з рызніцамі па баках. З захаду да асноўнага зруба прымыкае квадратны ў плане бабінец, завершаны чацверыковай званіцай, накрытай шатром з галоўкай. Дах двухсхільны, над алтарнай часткай, дзе размешчаная невысокая фігурная галоўка, — трохсхільны. Сцены вертыкальна ашаляваныя дошкамі з нашчыльнікамі. Аконныя праёмы з лучковымі завяршэннямі і каляровымі вітражамі. Інтэр’ер падзелены чатырма слупамі. Хоры ў заходняй частцы ў выглядзе арачнай галерэі, якую падтрымліваюць чатыры калонкі.

Нараджэнне Яна Хрысціцеля. ХVІІІ ст. МСБК ІМЭФ НАН Беларусі

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000238

• На Вікісховішчы ёсць медыяфайлы па тэме Свята-Мікалаеўская царква (Вялікія Сяхновічы)
• Свята-Мікалаеўская царква (Вялікія Сяхновічы) на сайце Radzima.org
• Свята-Мікалаеўская царква (Вялікія Сяхновічы) на сайце Глобус Беларусі (руск.)
• Свята-Мікалаеўская царква (Вялікія Сяхновічы) на сайце «Архіварта»