Свята-Мікалаеўская царква (Пральнікі)

Свята-Мікалаеўская царква — праваслаўны храм у в. Пральнікі Валожынскага раёна Мінскай вобласці.

Славутасць
Свята-Мікалаеўская царква
53°56′38″ пн. ш. 26°51′13″ у. д.HGЯO
Краіна	Беларусь
Вёска	Пральнікі
Канфесія	Беларуская Праваслаўная Царква
Епархія	Маладзечанская
Тып будынка	ратонда, капліца-пахавальня
Архітэктурны стыль	класіцызм
Дата пабудовы	XIX стагоддзе
Медыяфайлы на Вікісховішчы

Гісторыя

У цэнтры вёскі, на могілках. Пабудавана ў першай палове 19 ст. з цэглы і бутавага каменю як капліца-пахавальня ўладальнікаў маёнтка. З 1866 г. праваслаўная царква, у 1920-я гг. вернута католікам, у канцы 20 ст. зноў царква.

Архітэктура

Помнік архітэктуры позняга класіцызму. Вырашана ў форме купальнай ратонды з масіўнай глухой атынкаванай сцяной (таўшчыня 1,5 м) і кананічным дахам з макаўкай у завяршэнні. Уваход вылучаны чатырохслуповай аркадай з трохвугольным франтонам. Плоскасная сцяна крапавана цокалем і падкарнізнай цягай.

Інтэр'ер

Прастора інтэр'ера вырашага адзіным цыліндрычным аб'ёмам, перакрытым сферычным купалам з абходнай галерэяй у аснаванні і круглай люкарнай у цэнтры. Сцяна рытмічна расчлянёна 4 арачнымі нішамі для скульптуры (не захавалася). Насупраць уваходнага праёма размешчаны алтар у выглядзе перагародкі з 4-калонным іанічна-дарычным порцікам на высокім пастаменце і шырокай арачнай нішай у тоўшчы сцяны. Пры галоўным уваходзе вінтавая лесвіца на абходную галерэю і ў склеп, які вырашаны ў выглядзе круглай залы з цэнтральным апорным стоўпам і цыліндрычным перакрыццем з люнетамі. Па перыметры сцяны глыбокія лучковыя нішы-калумбарыі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Свята-Мікалаеўская царква (Пральнікі)
• Свята-Мікалаеўская царква (Пральнікі) на сайце Праваслаўная архітэктура Беларусі (бел.)
• Свята-Мікалаеўская царква (Пральнікі) на сайце Radzima.org
• Свята-Мікалаеўская царква (Пральнікі) на сайце Глобус Беларусі (руск.)