Свята-Міхайлаўская царква (Аўсямірава)

Свята-Міхайлаўская царква — праваслаўны храм у імя святого архангела Міхаіла ў в. Аўсямірава Столінскага раёна Брэсцкай вобласці.

Праваслаўны храм
Свята-Міхайлаўская царква
51°59′45,52″ пн. ш. 26°28′45,17″ у. д.HGЯO
Краіна	Беларусь
Вёска	Аўсямірава
Канфесія	Беларуская праваслаўная царква
Епархія	Брэсцкая
Архітэктар	невядомы
Будаўніцтва	1780
Стан	дзейнічае

У паняцця ёсць і іншыя значэнні, гл. Свята-Міхайлаўская царква.

Гісторыя

Пабудавана на вясковых могілках у 1-й палавіне XIX стагоддзя з дрэва^[1]. Прыпісана да царквы ў гонар Раства Прасвятой Багародзіцы ў в. Радчыцк.

Архітэктура

Помнік народнага дойлідства. Падоўжна-восевую кампазіцыю складаюць шатровая 2-ярусная 4-гранная званіца-прытвор, кароткі і нізкі бабінец, прамавугольная малітоўная зала, якая пераходзіць у трохгранную апсіду. Канёк вальмавага даху фланкіраваны цыбулепадобнай галоўкай і макаўкай. Гарызантальна ашаляваныя фасады расчлянёны прамавугольнымі аконнымі праёмамі ў разных ліштвах.

Зноскі

1. Историко-статистическое описание Минской епархии, составленное ректором Минской духовной семинарии архимандритом Николаем. Спб., 1864.