Радчыцк

Ра́дчыцк^[1] (трансліт.: Radčyck, руск.: Радчицк) — вёска ў Столінскім раёне Брэсцкай вобласці Беларусі. Уваходзіць у склад Фядорскага сельсавета^[2].

Вёска Радчыцк Краіна Беларусь Вобласць Брэсцкая Раён Столінскі Сельсавет Фядорскі Каардынаты 51°57′16″ пн. ш. 26°33′57″ у. д.HGЯO Першая згадка 1760 Насельніцтва 535 чалавек (2010) Часавы пояс UTC+3 Тэлефонны код +375 1655 Паштовы індэкс 225525 Аўтамабільны код 1 Радчыцк Радчыцк

Радчыцк на Вікісховішчы

Была адміністрацыйным цэнтрам і ўваходзіла ў склад Радчыцкага сельсавета. З 10 кастрычніка 2025 года ў складзе Фядорскага сельсавета^[2].

Геаграфія

Знаходзіцца за 22 км на паўночны захад ад Століна, за 220 км ад Брэста, за 29 км ад чыгуначнай станцыі Гарынь^[3].

Гісторыя

Царква ў Радчыцку. І. Сербаў, 1912

Млоцкімі, якім належала вёска, была пабудавана драўляная царква, але ў 1760 годзе згарэла. У тым жа годзе яна была адноўлена на сродкі прыхаджан. Пасля Радчыцк перайшоў да Скірмунтаў. На сродкі Аляксандра Скірмунта замест папярэдняй, ужо струхнелай царквы, у 1841 годзе была ўзведзена мураваная прыхадская царква.

У 1863 годзе адкрылася земскае народнае вучылішча. На 1886 год — сяло, цэнтр воласці Пінскага павета Мінскай губерні. Меліся вінакурны завод і млын. Па перапісе 1897 года з’явіліся: школа царкоўнай граматы, хлебазапасны магазін, піцейны дом.

У 1921-1939 гадах у складзе міжваеннай Польшчы. У 1921—1923 гадах — цэнтр Радчыцкай гміны Пінскага павета Палескага ваяводства, з 1923 па 1939 гады гміна знаходзілася ў складзе Столінскага павета.

Каля Радчыцка пахаваны ўдзельнік паўстання 1863—1864 гадоў, верагодна ўладальнік мясцовага маёнтка, забіты сялянамі за падтрымку паўстання^[4].

У вёсцы працуе сярэдняя школа, дом культуры, бібліятэка, амбулаторыя і аддзяленне сувязі^[3].

Была адміністрацыйным цэнтрам і ўваходзіла ў склад Радчыцкага сельсавета. З 10 кастрычніка 2025 года ў складзе Фядорскага сельсавета^[2].

Насельніцтва

• XIX стагоддзе: 1886 год — 66 двароў, 792 жыхары; 1897 год — 176 двароў, 1128 жыхароў.
• XX стагоддзе: 1909 год — 246 двароў, 1329 жыхароў; 1921 год — 274 двары, 1554 жыхары; 1939 год — 470 двароў, 2373 жыхары; 1959 год — 660 жыхароў; 1970 год — 1233 жыхары; 1980 год — 1025 жыхароў; 1999 год — 689 жыхароў.
• XXI стагоддзе: 2001 год — 286 двароў, 649 жыхароў^[3]; 2002 год — 277 двароў, 645 жыхароў; 2010 год — 535 жыхароў.

Славутасці

• Царква Раства Багародзіцы (1841) —  Гісторыка-культурная каштоўнасць Беларусі, шыфр 113Г000690шыфр 113Г000690.
• Магіла Аляксандра Скірмунта (1793—1845).
• Помнік загінулым у Вялікую Айчынную вайну землякам (1969).

Вядомыя асобы

• Лявон Неўдах (нар. 1947) — беларускі пісьменнік.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Ра́чыцк
2. Решение Брестского областного Совета депутатов от 26 сентября 2025 года № 116 "Об изменении административно-территориального устройства Брестской области" (нявызн.). pravo.by.
3. БелЭн 2001.
4. Вабішчэвіч, А. Да пытання стану могілак на Століншчыне ў міжваенны час // ARCHE. — 2014. — № 7,8. — С. 370—372