Свята-Пакроўская царква (Асінагарадок)

Свята-Пакроўская царква — праваслаўны храм в. Асінагарадок (Пастаўскі раён). Размешчана ў паўднёва-заходняй частцы вёскі. Помнік архітэктуры рэтраспектыўна-рускага стылю.

Праваслаўны храм
Свята-Пакроўская царква
Царква ў гонар Пакрова Прасвятой Багародзіцы
55°09′37″ пн. ш. 27°22′18″ у. д.HGЯO
Краіна	Беларусь
Вёска	Асінагарадок
Канфесія	Беларуская праваслаўная царква
Епархія	Полацкая і Глыбоцкая
Архітэктурны стыль	рэтраспектыўна-рускі стыль
Архітэктар	В. І. Струеў (перабудова)
Заснавальнік	Ігнацій Любецкі
Дата пабудовы	1856 год
Статус	Гісторыка-культурная каштоўнасць Беларусі, шыфр 213Г000582шыфр 213Г000582
Медыяфайлы на Вікісховішчы

У паняцця ёсць і іншыя значэнні, гл. Свята-Пакроўская царква.

Гісторыя

Пабудавана ў 1782 г. як шатровая, драўляная праваслаўная царква на сродкі ваяводы Жабы, які на той час валодаў Асінагарадком. Перабудавана ў 1856 г. з дрэва на сродкі ўласніка Асінагарадка князя Ігната Ануфрыевіча Друцкага-Любецкага (1809—1861) на месцы ранейшага храма: быў пастаўлена новы дах, сцены абабіты дошкамі, выведзены вялікі купал, падрамантаваны падмурак. У пачатку XX ст. храм перабудаваны архітэктарам Віктарам Іванавічам Струевым.

Архітэктура

Царква мае кананічную аб'ёмна прасторавую кампазіцыю: прамавугольны зруб малітоўнай залы, бабінец, пяцігранная апсіда з бакавымі рызніцамі. Шмат'ярусны дах над асноўным аб'ёмам завершаны высокай шатровай вежачкай.

Апсіда вылучана трох'ярусным драўляным разным іканастасам мяжы XIX—XX стст. Абразы «Святы Мікалай» (пачатак 19 ст., чаканная шата 1811 г.). «Святы Аляксандр Неўскі» і «Георгій Перамоганосец» (сярэдзіна XIX ст.), напісаныя адным майстрам абразы XVIII—XIX стст. «Маці Божая з дзіцем» і «Апостал Пётр». Над уваходам — хоры.

Званіца

Побач з царквой пастаўлена вежа-званіца. Яе ніжні чатырохгранны пірамідальны ярус з бутавага каменю, верхні — драўляны, завершаны цыбулепадобным купалам з макаўкай.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000582

• На Вікісховішчы ёсць медыяфайлы па тэме Свята-Пакроўская царква (Асінагарадок)
• Свята-Пакроўская царква (Асінагарадок) на сайце Radzima.org
• Свята-Пакроўская царква (Асінагарадок) на сайце Глобус Беларусі (руск.)
• Дарья Данилевич, Алиса Януш, Игорь Прокопович. Наследие рода Друцких-Любецких в Поставском районе
• Свята-Пакроўская царква (Асінагарадок) на сайце «Архіварта»