Свята-Петра-Паўлаўская царква (Жодзіна)

Свята-Петра-Паўлаўская царква — мураваны праваслаўны храм у горадзе Жодзіна Мінскай вобласці. Знаходзіцца на вул. Маскоўскай, побач са Свята-Міхайлаўскай царквой^[1].

Праваслаўны храм
Свята-Петра-Паўлаўская царква
54°05′34″ пн. ш. 28°20′01″ у. д.HGЯO
Краіна	Беларусь
Горад	Жодзіна
Канфесія	Праваслаўе
Епархія	Барысаўская епархія Жодзінскае благачынне
Сайт	arhistratig.by

У паняцця ёсць і іншыя значэнні, гл. Свята-Петра-Паўлаўская царква.

Гісторыя

Пабудавана ў пачатку 21 ст. з цэглы.

Архітэктура

Цэнтрычны крыжовы ў плане 2-павярховы будынак, накрыты паўвальмавымі дахамі і ўзняты на высокі бутавы цокальны паверх. На іх перакрыжаванні ўзведзены 4-гранны барабан, завершаны цыбулепадобнай галоўкай на цыліндрычнай шыі. Фасады расчлянёны прамавугольнымі аконнымі праёмамі, аб’яднанымі арачнымі прасламі. Уваход аформлены 2-слуповым ганкам пад 2-схільным пакрыццём, да якога вядзе лесвічны каскад^[2].

Зноскі

1. http://arhistratig.by/
2. Свята-Петра-Паўлаўская царква Архівавана 31 снежня 2022. на сайце Праваслаўная архітэктура Беларусі