Свята-Петра-Паўлаўская царква (Зарэчча)

Свята-Петра-Паўлаўская царква — праваслаўны храм у в. Зарэчча Карэліцкага раёна Гродзенскай вобласці. Помнік народнага дойлідства.

Праваслаўная царква
Свята-Петра-Паўлаўская царква
Свята-Петра-Паўлаўская царква са званіцай
53°32′08,41″ пн. ш. 26°25′02,65″ у. д.HGЯO
Краіна	Беларусь
Вёска	Зарэчча
Канфесія	Беларуская праваслаўная царква
Епархія	Навагрудская і Лідская
Благачынне	Карэліцкае
Дата пабудовы	1858 год
Стан	Дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Петра-Паўлаўская царква.

Гісторыя

Пабудавана ў 1858 г. з драўлянага бруса, была прыпісана да Ярэміцкай Узнясенскай царквы. У 1889 г. пабудавана драўляная царкоўнапрыходская школа.

Архітэктура

Кампактная прамавугольная ў плане пабудова з трохграннай апсідай, над якой двухсхільны дах (у пачатку 20 ст. быў саламяным) пераходзіць у вальмавае пакрыццё з цыбулепадобнай галоўкай на барабане. Плоскасны галоўны фасад завершаны трохвугольным франтонам і вылучаны ў цэнтры прамавугольным уваходным праёмам. Вертыкальна ашаляваныя фасады прарэзаны высока ўзнятымі малымі лучковымі аконнымі праёмамі.

Званіца

Званіца

Звон

Перад царквой асіметрычна пастаўлена цэнтрычная двух'ярусная званіца, ашаляваная і завершаная шатром. Верхні ярус-звон — адкрытая чатырохслуповая тэраса са званамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Петра-Паўлаўская царква (Зарэчча)
• Свята-Петра-Паўлаўская царква (Зарэчча) на сайце Праваслаўная архітэктура Беларусі (бел.)
• Свята-Петра-Паўлаўская царква (Зарэчча) на сайце Radzima.org
• Свята-Петра-Паўлаўская царква (Зарэчча) на сайце Глобус Беларусі (руск.)