Свята-Раство-Багародзічны жаночы манастыр (Брэст)

Свята-Раство-Багародзічны жаночы манастыр ― жаночы манастыр у Брэсце. Знаходзіцца на Шпітальным востраве ў Крэпасці^[1].

Манастыр
Свята-Раство-Багародзічны жаночы манастыр
52°04′37″ пн. ш. 23°39′27″ у. д.HGЯO
Краіна	Беларусь
Горад	Брэст
Канфесія	Праваслаўе
Епархія	Брэсцкая і Кобрынская епархія
Дата заснавання	2001
Сайт	obitel-brest.by

Гісторыя

Папярэдні манастыр быў мужскі і знаходзіўся ў Замухавеччы. У манастыры былі два храмы: у гонар Нараджэння Багародзіцы і Пачэснага Крыжа (апошні заснаваны ў пачатку XV стагоддзя жонкай князя Вітаўта княгіняй Ганнай Святаславаўнай). У 1819 годзе будынкі манастыра згарэлі.

У 2001 годзе жаночы манастыр у гонар Нараджэння Багародзіцы быў адноўлены. У 2005 годзе гарадскія ўлады перадалі манастыру ў сталае карыстанне двухпавярховы будынак Брэсцкай крэпасці, у якім раней была палкавая школа 84-га стралковага палка. Манастыр таксама атрымаў 88 сотак зямлі.