Свята-Троіцкая царква (Стары Крупец)

Свята-Троіцкая царква — праваслаўны храм у аграгарадку Крупец Добрушскага раёна Гомельскай вобласці Беларусі.

Славутасць
Свята-Троіцкая царква
52°19′16″ пн. ш. 31°21′46″ у. д.HGЯO
Краіна	Беларусь
Аграгарадок	Крупец
Канфесія	БПЦ
Епархія	Гомельская епархія
Медыяфайлы на Вікісховішчы

Гісторыя

Знаходзіцца ў цэнтры аграгарадка. Пабудавана ў другой палавіне XIX стагоддзя з дрэва.

Архітэктура

Крыжовую ў плане падоўжна-восевую кампазіцыю будынка фарміруюць прытвор, бабінец, кубічны аб'ём малітоўнай залы з бакавымі прыдзеламі, пяцігранная апсіда з бакавымі рызніцаамі. У сілуэце будынка 2 вертыкальныя дамінанты: надбудаваныя над прытворам шатровая званіца (васьмярык на чацвярыку) і васьмігранны шатровы светлавы барабан, завершаныя цыбулепадобнымі галоўкамі. Гарызантальна ашаляваныя фасады прарэзаны аконнымі праёмамі ў ліштвах, 3 уваходы аформлены слупавымі ганкамі. Цокальная частка ашалявана вертыкальна.

Інтэр’ер

У інтэр’еры пануе прастора малітоўнай залы, у якую адкрываецца светлавы барабан, абапёрты праз скляпеністую ветразевую канструкцыю на сцены. У аздабленні інтэр'ера выкарыстана алейная размалёўка на евангельскія сюжэты.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 313Г000275

• На Вікісховішчы ёсць медыяфайлы па тэме Свята-Троіцкая царква (Стары Крупец)
• Свята-Троіцкая царква (Стары Крупец) на сайце Праваслаўная архітэктура Беларусі (бел.)
• Свята-Троіцкая царква (Стары Крупец) на сайце «Архіварта»