Святлана Вікенцьеўна Гіль

Святлана Вікенцьеўна Гіль (нар. 16 сакавіка 1947(1947-03-16), Свянцяны) — беларускі палітык.

Святлана Вікенцьеўна Гіль
Нараджэнне	16 сакавіка 1947(1947-03-16) (78 гадоў) Свянцяны, Свянцянскі павет, Расійская імперыя
Адукацыя	Віцебскі дзяржаўны тэхналагічны ўніверсітэт
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровай граматай Савета Міжпарламенцкай Асамблеі дзяржаў-удзельніц СНД[d]

У Вікіпедыі ёсць артыкулы пра іншых людзей з прозвішчам Гіль.

Біяграфія

Скончыла Віцебскі тэхналагічны інстытут лёгкай прамысловасці, інжынер-тэхнолаг. Працавала майстрам, старшым тэхнолагам, старшым інжынерам, старшынёй фабрычнага камітэта прафсаюза Брэсцкай фабрыкі верхняга трыкатажу, сакратаром камітэта КПБ Брэсцкага вытворчага дыванова-суконнага аб’яднання, старшынёй Ленінскага раённага Савета народных дэпутатаў горада Брэста, намеснікам генеральнага дырэктара па рабоце з моладдзю Брэсцкага вытворчага дывановага аб’яднання, дырэктарам адкрытага акцыянернага таварыства Брэсцкая швейная фірма «Надзея».

Выбіралася дэпутатам Палаты прадстаўнікоў Нацыянальнага сходу Рэспублікі Беларусь другога і трэцяга скліканняў^[1].

Узнагароды

Узнагароджана Ганаровай граматай Нацыянальнага сходу Рэспублікі Беларусь, Ганаровай граматай Савета Міжпарламенцкай Асамблеі дзяржаў — удзельніц Садружнасці Незалежных Дзяржаў, Ганаровай граматай Савета Міністраў Рэспублікі Беларусь^[2].