Святлана Рыгораўна Вягера

У Вікіпедыі ёсць артыкулы пра іншых людзей з прозвішчам Вягера.

Святлана Рыгораўна Вягера (нар. 20 верасня 1977, Наваполацк) — беларускі навуковец, эканаміст, доктар эканамічных навук, дацэнт.

Святлана Рыгораўна Вягера
Дата нараджэння	20 верасня 1977(1977-09-20) (48 гадоў)
Месца нараджэння	Наваполацк, Віцебская вобласць, Беларуская ССР, СССР
Грамадзянства	Беларусь
Род дзейнасці	вучоная, выкладчыца ўніверсітэта
Навуковая сфера	эканоміка
Месца працы	фінансава-эканамічны факультэт ПДУ
Навуковая ступень	доктар эканамічных навук
Навуковае званне	дацэнт
Альма-матар	Полацкі дзяржаўны ўніверсітэт імя Ефрасінні Полацкай
Навуковы кіраўнік	Дзмітрый Аляксеевіч Панкоў
Узнагароды	Ганаровая грамата Міністэрства адукацыі Рэспублікі Беларусь (2012) Чалавек года Віцебшчыны[d] (2014)

Біяграфія

Скончыла фінансава-эканамічны факультэт Полацкага дзяржаўнага ўніверсітэта ў 1998 годзе па спецыяльнасці «Бухгалтарскі ўлік, аналіз і аўдыт». Пасля навучалася ў аспірантуры Беларускага дзяржаўнага эканамічнага ўніверсітэта па спецыяльнасці «Бухгалтарскі ўлік, статыстыка».

17 студзеня 2003 года ў БДЭУ абараніла дысертацыю на саісканне навуковай ступені кандыдата эканамічных навук на тэму «Развіццё бухгалтарскага ўліку амартызуемай маёмасці на прамысловых прадпрыемствах Рэспублікі Беларусь».

У 2005 годзе Вышэйшая атэстацыйная камісія Рэспублікі Беларусь надала ёй навуковае званне дацэнта па спецыяльнасці «Эканоміка».

У 2013 годзе таксама ў Беларускім дзяржаўным эканамічным універсітэце абараніла дысертацыю на саісканне навуковай ступені доктара эканамічных навук на тэму «Развіццё метадалогіі бухгалтарскага ўліку зямлі ў кантэксце сучаснай тэорыі рэнты» па спецыяльнасці «Бухгалтарскі ўлік, статыстыка».

З 1998 года працуе ў Полацкім дзяржаўным універсітэце. З 2003 года па сакавік 2015 года працавала загадчыкам кафедры бухгалтарскага ўліку і аўдыту фінансава-эканамічнага факультэта, з сакавіка 2015 года па жнівень 2021 года займала пасаду першага прарэктара ўніверсітэта.

Навуковая дзейнасць

Сфера навуковых інтарэсаў ахоплівае праблемы бухгалтарскага ўліку, развіцця ўліку, эканамічнага аналізу і кантролю ў кантэксце канцэпцыі ўстойлівага развіцця, метадалогіі ўліку прыроднага капіталу, карпаратыўнай сацыяльнай справаздачнасці інш. Пад яе навуковым кіраўніцтвам абаронена кандыдацкая 1 дысертацыя. Аўтар боль за 150 навуковых публікацый^[1].

Узнагароды

• Ганаровая грамата Міністэрства адукацыі Рэспублікі Беларусь (2012)
• Прэмія Віцебскага абласнога выканаўчага камітэта (2009)
• Стыпендыя Прэзідэнта Рэспублікі Беларусь (2011)
• Ганаровае званне «Чалавек года Віцебшчыны» (2014)
• Нагрудны знак Міністэрства адукацыі Рэспублікі Беларусь «Выдатнік адукацыі» (2018)

Зноскі

1. Спіс публікацый у Google Scholar