Святлана Уладзіміраўна Сенька

Святлана Уладзіміраўна Сенька (нар. 24 ліпеня 1981, в. Навасёлкі, Петрыкаўскі раён, Гомельская вобласць) — беларуская настаўніца, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.

Святлана Уладзіміраўна Сенька
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	24 ліпеня 1981(1981-07-24) (44 гады) Навасёлкі, Петрыкаўскі сельсавет, Петрыкаўскі раён, Гомельская вобласць, Беларуская ССР, СССР
Партыя	Белая Русь
Член у	Беларускі саюз жанчын
Адукацыя	Гомельскі дзяржаўны ўніверсітэт імя Францыска Скарыны Акадэмія кіравання пры Прэзідэнце Рэспублікі Беларусь
Месца працы	Петрыкаўскі раённы выканаўчы камітэт[d]

У Вікіпедыі ёсць артыкулы пра іншых людзей з прозвішчам Сенька.

Біяграфія

Нарадзілася 24 ліпеня 1981 года ў вёсцы Навасёлкі Петрыкаўскага раёна Гомельскай вобласці^[1].

Скончыла Гомельскі дзяржаўны ўніверсітэт імя Ф. Скарыны па спецыяльнасці «Беларуская мова і літаратура»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія»^[1].

Працавала намесніцай дырэктара па вучэбнай рабоце Колкаўскай сярэдняй школы, выхавальніцай, настаўніцай беларускай мовы і літаратуры Петрыкаўскай спецыяльнай агульнаадукацыйнай школы-інтэрната для дзяцей з цяжкімі парушэннямі маўлення; намеснікам начальніка аддзела адукацыі, намеснікам начальніка аддзела адукацыі, спорту і турызму, начальнікам аддзела адукацыі, спорту і турызму, намеснікам старшыні Петрыкаўскага раённага выканаўчага камітэта^[1].

З’яўлялася старшынёй Петрыкаўскага раённага аддзялення Гомельскай вобласці Беларускай партыі «Белая Русь», старшынёй Петрыкаўскай раённай арганізацыі грамадскага аб’яднання «Беларускі саюз жанчын»^[1].

Выбіралася дэпутатам Петрыкаўскага раённага Савета дэпутатаў 27-га і 28-га скліканняў^[1].

У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Жыткавіцкай акругі № 39. Намесніца старшыні Пастаяннай камісіі па працы і сацыяльных пытаннях^[1].

Узнагароды

Узнагароджана ганаровымі граматамі Гомельскага абласнога Савета дэпутатаў, галоўнага ўпраўлення ідэалагічнай работы, культуры і па справах моладзі Гомельскага абласнога выканаўчага камітэта, Гомельскай абласной арганізацыі Беларускага прафесійнага саюза работнікаў адукацыі і навукі, Петрыкаўскага раённага Савета дэпутатаў. Мае падзякі Міністэрства культуры Рэспублікі Беларусь, Гомельскага абласнога выканаўчага камітэта, Петрыкаўскага раённага выканаўчага камітэта^[1].