Свіння (грыб)

Свіння^[1], падгруздак чорны (Russula adusta) — шапкавы базідыяльны грыб з роду Сыраежка (Russula) сямейства Сыраежкавыя (Russulaceae).

Свіння
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Сыраежка Від:  Свіння
Міжнародная навуковая назва
Russula adusta (Pers.) Fr., 1838
Сістэматыка на Віківідах Выявы на Вікісховішчы NCBI   118037 EOL   1029452 MB   168636

Апісанне

Пладовае цела грыба — шапка на ножцы. Шапка пукатая, потым пляската-ўвагнутая, дыяметрам 6—15 см, злёгку ліпкая, цёмна-бурага і брудна-бурага колеру. Мякаць тоўстая, шчыльная, на зломе афарбоўваецца ў ружавата-шэры колер, затым чарнее. Мякаць мае характэрны кіславаты пах. Ножка грыба дыяметрам 2—3 см і даўжынёй 3—5 см, суцэльная, аднаго колеру з шапкай, пры націсканні набывае бура-чорны колер. Пласцінкі прырослыя, тоўстыя, крохкія, белыя, пазней бруднавата-шараватыя. Споры амаль шарападобнай формы, бясколерныя.

Ядомы грыб.

Экалогія і распаўсюджванне

Распаўсюджаны часцей у паўночнай частцы лясной зоны, пераважна ў хваёвых лясах. Расце у эўкаліптавых лясах Аўстраліі^[2]. Пладаносіць у чэрвені—верасні, паасобку або групамі. Звычайны на тэрыторыі Беларусі грыб^[1].

Зноскі

1. Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 148. — 192 с. — 60 000 экз.
2. Russula adusta // Science Division, Department of Environment and Conservation, Western Australia (англ.)