Севярын Аляксандравіч Квяткоўскі

У Вікіпедыі ёсць артыкулы пра іншых людзей з прозвішчам Квяткоўскі.

Севярын Аляксандравіч Квяткоўскі (нар. 30 сакавіка 1973, Мінск) — беларускі літаратар,^[1] медыя-пісьменнік, журналіст, рэдактар, менеджар культурных і медыяпраектаў,^[2] блогер.^[3]

Севярын Аляксандравіч Квяткоўскі
Асабістыя звесткі
Дата нараджэння	30 сакавіка 1973(1973-03-30) (52 гады)
Месца нараджэння	Мінск, Беларуская ССР, СССР
Грамадзянства	Беларусь
Месца працы	Радыё 101,2 Наша Ніва Беларуская служба Польскага радыё Беларускае Радыё Рацыя Беларуская служба Радыё «Свабода»
Прафесійная дзейнасць
Род дзейнасці	пісьменнік, журналіст, публіцыст, рэдактар, блогер
Грамадская дзейнасць
Партыя	Партыя аматараў піва
Член у	Саюз беларускіх пісьменнікаў Беларуская асацыяцыя журналістаў Беларускі ПЭН
Прэміі	Залатая літара (2007)
Цытаты ў Вікіцытатніку

Біяграфія

Працаваў журналістам на «Радыё 101,2» (1995—1996); у газетах «Имя» (1995—1996) і Наша Ніва (1996—1999); у беларускай рэдакцыі «Польскага радыё» (1997—1998); на «Радыё Рацыя» (1999—2002) і Радыё «Свабода» (2002—2008). Рэдактар грамадскага блогу «Будзьма беларусамі!» (2008—2012). Ад 2012 — публіцыст Радыё «Свабода». Сябра БАЖ, Саюза беларускіх пісьменнікаў і ПЭН-цэнтра.^[1]

Уваходзіў у склад Партыі аматараў піва.

Творчасць

Дэбютаваў у газеце «Наша Ніва» ў 1993 годзе імпрэсіямі «На гэтай паперы…», «Момант Мяне», «Парагвай». Піша апавяданні, эсэ, імпрэсіі, мініяцюры, нарысы, фрашкі, аўтарскія тэксты.^[2] Публікуецца ў «Нашай Ніве», «Arche», на Svaboda.org і іншых інтэрнэт-пляцоўках.^[1] Паводле Севярына Квяткоўскага, у сеціўнай медыяпрасторы рэальнасць і мастацтва пераплятаюцца і набываюць самыя неверагодныя формы.^[2]

Аўтар кніг «Фрашкі да пляшкі» (2007), «Падарунак для Адэлі» (містычны трылер у навелах; 2012).^[2] Таксама аўтар ідэі і сааўтар аўдыёкнігі «Народныя фрашкі. Супольны альбом» (2009). Аўтар праекта і кнігі «Як стаць беларусам» (2014). Сатырычнага рамана-комікса «Каларадская пушча» (2019).

Прызнанне

• Лаўрэат прэміі «Залатая літара» (2007) за кнігу «Фрашкі да пляшкі».^[2]
• Лаўрэат прэміі сайту 101blog.net (2007) за лепшы постынг у беларускай блогасферы за 2007 год.

Зноскі

1. Квяткоўскі Севярын Аляксандравіч // Асабістыя старонкі…
2. Севярын Квяткоўскі «Падарунак для Адэлі»…
3. Квяткоўскі, Севярын. Экспэрт ТГ С. Квяткоўскі: «У „Глюкаў“ заслужаная перамога»  (бел.)(недаступная спасылка). Тузін Гітоў. mpby.ru (9 кастрычніка 2009). Архівавана з першакрыніцы 11 сакавіка 2019. Праверана 20 лістапада 2018.