Сенненская ДЮСШАР

Вучэбная спартыўная ўстанова «Сенненская спецыялізаваная дзіцяча-юнацкая школа алімпійскага рэзерву» — спартыўная установа ў г. Сянно Сенненскага раёна Віцебскай вобласці.

ВСУ «Сенненская спецыялізаваная дзіцяча-юнацкая школа алімпійскага рэзерву»
Заснавана	1954
Тып	дзіцяча-юнацкая спартыўная школа[d]
Краіна	Беларусь
Размяшчэнне	Сянно
Адрас	Віцебская вобласць, Сенненскі раён, г. Сянно, вуліца Віцебская, д. 6.

Гісторыя

У 1952 годзе адкрылася спартыўная зала ў СШ № 1 г. Сянно. У 1954 годзе на базе школы была адкрыта дзіцяча-юнацкая спартыўная школа па гульнявых відах спорту. Пры ім школа набыла іншы профіль — лыжныя гонкі. У пачатку 1960-х — канцы 1980-х гг. адбывалася станаўленне фізкультурна-масавай і спартыўнай работы. Пачалі развівацца іншыя віды спорту: цяжкая атлетыка, веласіпедны спорт, класічная барацьба. Жаночая валейбольная каманда стала чэмпіёнам аблсавета ДСТ «Ураджай».

У 1964 годзе па ініцыятыве А. Я. Пасканава была створана футбольная каманда. Футбол стаў масавым відам спорту, у першынстве раёна прымалі ўдзел больш за 20 каманд. Пачалося будаўніцтва стадыёнаў у калгасах. Сельскае спартыўнае таварыства культывіравала многія віды спорту. У 1974 годзе на базе багушэўскіх школ было адкрыта аддзяленне лёгкай атлетыкі. У 1972 годзе быў уведзены ў эксплуатацыю Усесаюзны комплекс ГПА. Пачалі праводзіцца спаборніцтвы па зімовых і летніх мнагаборствах.

У 2010 годзе вучэбна-спартыўная ўстанова набыла статус школы алімпійскага рэзерву.

Аддзяленні

• Біятлон. Аддзяленне біятлона было адчынена ў 2001 годзе. Ёсць стрэльбішча, лыжная і лыжаролерная трасы. 15 лютага 2018 года была адкрыта біятлонная база на месцы былога кандытарскага цэха па вуліцы Чырвонага Кастрычніка, якая знаходзіцца каля галоўнай трэніровачнай пляцоўкі юных біятланістаў — парка імя 40-годдзя Перамогі. З улікам праектных работ рэканструкцыя заняла пяць гадоў. Новы комплекс уключае цір даўжынёй 25 метраў, спартыўную залу, саўну з саляным пакоем, душавыя, раздзявалкі, трэнерскую, пакой для зброі. Па стане на 2018 год біятлонам займаюцца больш за 90 дзяцей. Трэнеры-выкладчыкі: Аляксандр Анатолевіч Окунь, Мікалай Аляксеевіч Барадзін і Валерый Міхайлавіч Лектараў. У склад нацыянальных каманд па біятлоне ўключаны чатыры выпускнікі школы.
• Грэка-рымская барацьба. У 2013 годзе адбыўся капітальны рамонт залы грэка-рымскай барацьбы. Трэнеры-выкладчыкі: Рыбчанка Анатоль Фёдаравіч, Кучынскі Анатоль Леанідавіч.
• Лёгкая атлетыка. Трэнеры-выкладчыкі аддзялення лёгкай атлетыкі: Васілёнак Віктар Генадзевіч, Вераценнікава Вольга Уладзіміраўна, Шуцікава Аксана Віктараўна, Філіповіч Дзіяна Міхайлаўна^[1].

Дырэктары школы

• Т. В. Карашкова
• А. С. Хаменка
• Анатоль Іванавіч Гарнак

Выбітныя выпускнікі

• Ірына Валер’еўна Крыўко - беларуская біятланістка, алімпійская чэмпіёнка 2018 года ў эстафеце.

Зноскі

1. Сенненская спецыялізаваная дзіцяча-юнацкая школа алімпійскага рэзерву