Серхіа Агуэра

Се́рхіа Леане́ль «Кун» Агуэ́ра дэль Касты́лья (ісп.: Sergio Leonel «Kun» Agüero del Castillo; нар. 2 чэрвеня 1988, Буэнас-Айрэс, Аргенціна) — аргенцінскі футбаліст, нападнік. Ігрок нацыянальнай зборнай Аргенціны (2006—2021). Мянушку «Кун» атрымаў з-за любові да японскага персанажа мультыплікацыйных фільмаў Кум-Кума. Мае пашпарт грамадзяніна Іспаніі^[3].

Серхіа Агуэра
Агульная інфармацыя
Поўнае імя	Серхіа Леанель Агуэра дэль Кастылья
Мянушка	Кун Агуэра
Нарадзіўся	2 чэрвеня 1988(1988-06-02)[1][2] (37 гадоў) Буэнас-Айрэс, Аргенціна
Грамадзянства	Аргенціна  Іспанія
Рост	170 см
Вага	70 кг
Пазіцыя	нападнік
Маладзёжныя клубы
1997—2003 Індэпенд’ентэ
Клубная кар’ера[* 1]
2003—2006 Індэпенд’ентэ 54 (23) 2006—2011 Атлетыка Мадрыд 175 (74) 2011—2021 Манчэстэр Сіці 275 (184) 2021 Барселона 4 (1)
Нацыянальная зборная[* 2]
2004 Аргенціна (да 16) 5 (3) 2005—2007 Аргенціна (да 20) 11 (6) 2008 Аргенціна (алімп.) 5 (2) 2006—2021 Аргенціна 101 (41)
Узнагароды і медалі
Алімпійскія гульні Золата Пекін 2008 футбол Чэмпіянаты свету Срэбра Бразілія 2014 Кубкі Амерыкі Срэбра Чылі 2015 Срэбра ЗША 2016 Бронза Бразілія 2019 Золата Бразілія 2021
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 16 снежня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 16 снежня 2021
Медыяфайлы на Вікісховішчы

Клубная кар’ера

Серхіа далучыўся да моладзевай сістэмы «Індэпенд’ентэ» ва ўзросце дзевяці гадоў. Дэбютаваў за клуб у дарослым футбаоле ажно ў 15 гадоў і 35 дзён, усталяваўшы гэтым самым рэкорд яке самы малады ігрок у гісторыі лігі. Цягам некалькіх гадоў стаў асноўным іграком клуба. 30 мая 2006 года Агуэра афіцыйна перайшоў у склад мадрыдскага «Атлетыка» за 23 млн еўра, пераўзышоўшы папярэдні трансферны рэкорд клуба^[4].

28 ліпеня 2011 года, «Манчэстэр Сіці» пацвердзіў той факт, што Агуэра падпісаў пяцігадовы кантракт з клубам^[5]. Трансфер, як паведамлялася, быў ацэнены ў памеры 38 мільёнаў фунтаў^[6][7]. Серхіа дэбютаваў за клуб 15 жніўня ў гульні супраць «Суонсі Сіці», якая скончылася перамогай манчэстэрцаў з лікам 4:0. Агуэра выйшаў на замену на 59-й хвіліне забіў свой першы гол за клуб пасля дзевяці хвілін выхаду на пляцоўку.

У 2012 годзе атрымаў прэмію найлепшага іграка клуба паводле вынікаў галасавання заўзятараў каманды.

У маі 2021 года стала вядома, што Агуэра ў ліпені ў якасці свабоднага агента папоўніць склад «Барселоны»^[8]. З-за траўмы дэбютаваў за каталонцаў толькі 17 кастрычніка 2021 года, калі выйшаў на замену ў матчы з «Валенсіяй» (3:1). Пасля матча 30 кастрычніка супраць «Алавеса» (1:1) трапіў у бальніцу з дыягназам арытмія. У лістападзе стала вядома, што нападнік прапусціць як мінімум тры месяцы, а ў снежні Агуэра абвясціў аб завяршэнні кар’еры з-за праблем са здороўем^[9].

Міжнародная кар’ера

3 верасня 2006 года Серхіа дэбютаваў у нацыянальнай зборнай Аргенціны, замяніўшы ў матчы супраць Бразіліі на 66-й хвіліне Карласа Тэвеса. Сама гульня скончылася паражэннем аргенцінцаў з лікам 0:3.

Дасягненні

Клубныя

«Атлетыка»:

• Уладальнік Кубка Інтэртота: 2007
• Пераможца Лігі Еўропы: 2010
• Уладальнік Суперкубка УЕФА: 2010

«Манчэстэр Сіці»:

• Чэмпіён Англіі (5): 2012, 2014, 2018, 2019, 2021
• Уладальнік Кубка Англіі: 2019
• Уладальнік Кубка Футбольнай лігі (6): 2014, 2016, 2018, 2019, 2020, 2021
• Уладальнік Суперкубка Англіі (3): 2012, 2018, 2019

Міжнародная

Аргенціна:

• Чэмпіён Алімпійскіх гульняў: 2008
• Пераможца Кубка Амерыкі: 2021