Сеўрукі (Баранавіцкі раён)

У паняцця ёсць і іншыя значэнні, гл. Сеўрукі.

Сеўрукі́^[1] (трансліт.: Sieŭruki, руск.: Севруки) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчаны за 16 км на захад ад Баранавічаў, за 5 км ад чыгуначнай станцыі Палонка на лініі Баранавічы — Ваўкавыск.

Вёска Сеўрукі Краіна Беларусь Вобласць Брэсцкая Раён Баранавіцкі Сельсавет Жамчужненскі Каардынаты 53°07′54″ пн. ш. 25°48′11″ у. д.HGЯO Насельніцтва ▼544 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204815066 Сеўрукі Сеўрукі

Гісторыя

У 1897 годзе вёска ў Навамышскай воласці Навагрудскага павета Мінскай губерні.

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да 9 ліпеня 1944 года вёска акупіравана нямецка-фашысцкімі захопнікамі. На франтах вайны загінула 6 вяскоўцаў.

Да 1985 года ўваходзіла ў склад Палонкаўскага сельсавета^[2].

Інфраструктура

• Саўгасная сядзіба
• Шэраг гаспадарчых пабудоў
• Базавая школа
• Бібліятэка
• Клуб
• Фельчарска-акушэрскі пункт
• Магазін

Насельніцтва

• 12 двароў, 90 жыхароў (1897)
• 49 дамоў, 268 жыхароў (1921)
• 330 жыхароў (1939)
• 362 жыхары (1959)
• 422 жыхары (1970)
• 204 двары, 584 жыхары (1998)
• 188 гаспадарак, 574 жыхары (2005)

Памятныя мясціны

• Брацкая магіла савецкіх воінаў

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Решение исполнительного комитета Брестского областного Совета народных депутатов от 18 марта 1985 г. № 177 Об изменении в административно-территориальном делении Барановичского района