Скрыпліца (вадасховішча)

У паняцця ёсць і іншыя значэнні, гл. Скрыпліца.

Скрыплі́ца^[1] — вадасховішча ў Кіраўскім раёне Магілёўскай вобласці Беларусі, за 10 км на паўночны ўсход ад горада Кіраўск каля аграгарадка Скрыпліца.

Скрыпліца
Каардынаты: 53°17′04,42″ пн. ш. 29°38′58,60″ у. д.HGЯO
Даўжыня	1,15 км
Шырыня	1 км
Плошча	0,73 км²
Аб'ём	0,00139 км³
Найбольшая глыбіня	5 м
Сярэдняя глыбіня	1,9 м
Год напаўнення	1981
Скрыпліца
Скрыпліца

Вадасховішча створана ў 1981 годзе ў мэтах назапашвання сцёку ракі Добасна, абваднення сельгасугоддзяў, добраўпарадкавання прылеглай тэрыторыі і рыбагадоўлі. Плошча паверхні 0,73 км². Даўжыня 1,15 (1^[1][2]) км, найбольшая шырыня 1 км. Найбольшая глыбіня 5 м, сярэдняя 1,9 м. Аб’ём вады ў вадасховішчы 1,39 млн м³. Ваганні ўзроўню вады на працягу года 1,5 м. Даўжыня берагавой лініі 4^[2] км. Даўжыня агараджальнай дамбы 1,1 км.

Вадасховішча наліўное, злучана каналам з ракой Добасна.

Зноскі

1. БелЭн 2002.
2. Водохранилища — Могилёвская область. Морфометрические показатели и характерные уровни водохранилищ Архівавана 23 ліпеня 2020. (руск.)