Славонія

Славо́нія (харв.: Slavonija) — гістарычная вобласць на ўсходзе Харватыі. Размешчана паміж рэкамі Савай, Дравай і Дунаем і лічыцца жытніцай Харватыі.

Славонія на карце Харватыі

Славонія

Геаграфія

Поўнач, поўдзень і ўсход Славоніі з'яўляюцца пераважна раўнінай Сярэднедунайскай нізіны. На захадзе і ў цэнтральнай частцы размешчаны невялікі горны масіў з вяршынямі Папук (953 м), Дзіль (461 м) і Псунь (984 м). Яна распасціраецца з захаду на ўсход паміж Дравай, якая ўтварае мяжу з Венгрыяй на поўначы, Савай, якая ўтварае мяжу з Босніяй і Герцагавінай на поўдні, і Дунаем, які ўтварае мяжу з Сербіяй на ўсходзе. Заходняя мяжа Славоніі чыста геаграфічна неазначальная.

Этнічны склад насельніцтва

Большасць насельніцтва складаюць харватаў, самай буйной нацыянальнай меншасцю з'яўляюцца сербы. Апроч іх у Славоніі пражывае мноства нешматлікіх этнічных груп.

Паводле перапісу насельніцтва 2001 года, насельніцтва Славоніі па асобных жупаніях падзяляецца на наступныя прапорцыі:

• Віравіціцка-Падраўская жупанія: 89,47 % харваты, 7,08 % сербы, 0,27 % венгры, 0,25 % албанцы, 0,10 % чэхі
• Осіецка-Бараньская жупанія: 83,89 % харваты, 8,73 % сербы, 2,96 % венгры, 0,65 % славакі, 0,30 % цыгане, 0,29 % немцы, 0,26 % албанцы, 0,15 % славенцы, 0,12 % баснійцы, 0,11 % чарнагорцы, 0,10 % яўрэі
• Пожажска-Славанская жупанія: 88,68 % харваты, 6,54 % сербы, 0,92 % італьянцы, 0,90 % чэхі, 0,26 % венгры, 0,17 % албанцы, 0,14 % славакі
• Бродска-Пасаўская жупанія: 93,98 % харваты, 3,02 % сербы, 0,33 % цыгане, 0,21 % баснійцы, 0,18 % украінцы, 0,16 % албанцы
• Вукаварска-Срэмская жупанія: 78,27 % харваты, 15,45 % сербы, 1,00 % венгры, 0,88 % русіны, 0,65 % славакі, 0,56 % баснійцы, 0,24 % албанцы, 0,23 % украінцы

Найбуйнейшыя гарады

Паводле перапісу насельніцтва 2001 года, найбуйнейшымі гарадамі Славоніі з'яўляюцца:

1. Осіек — 114 616
2. Славанскі-Брод — 64 612
3. Вінкаўцы — 35 912
4. Вукавар — 31670
5. Джакава — 30 092
6. Пожага — 28 201
7. Віравіціца — 22 618
8. Нашыцы — 17 320
9. Жупанья — 16 383
10. Нова-Градзішка — 15 833

Адміністрацыйны падзел

Тэрыторыя Славоніі адміністрацыйна падзелена на пяць жупаній:

Назва	Плошча (км²)	Насельніцтва (2001)	Адміністрацыйны цэнтр	Геаграфічнае размяшчэнне
Віравіціцка-Падраўская жупанія (Virovitičko-podravska županija)	2021	93 389	Віравіціца	уздоўж Дравы на мяжы з Венгрыяй
Осіецка-Бараньская жупанія (Osječko-baranjska županija)	4149	330 506	Осіек	ахоплівае паўночна-ўсходнюю Славонію вакол горада Осіек і харвацкую частку Бараньі (на поўнач ад Дравы)
Пожажска-Славанская жупанія (Požeško-slavonska županija)	1821	85 831	Пожага	у цэнтральнай Славоніі паміж жупаніяй Віравіціца-Падравіна і жупаніяй Брод-Пасавіна
Бродска-Пасаўская жупанія (Brodsko-posavska županija)	2027	176 765	Славанскі-Брод	уздоўж Савы на мяжы з Босніяй-Герцагавінай
Вукаварска-Срэмская жупанія (Vukovarsko-srijemska županija)	2448	204 768	Вукавар	ахоплівае ўсходнюю частку Славоніі вакол горада Вукавар у мяжы з Сербіяй

Гісторыя

Гістарычны герб Славоніі

Гл. таксама

• Харвацкі дэмакратычны саюз Славоніі і Баранова
• Трохадзінае каралеўства

Спасылкі

• На Вікісховішчы ёсць медыяфайлы па тэме Славонія