Слонімская аўстэрыя

Слонімская аўстэрыя — будынак у Слоніме, размешчаны па вул. Савецкай, 10. Пабудавана ў 2-й палове XVIII ст. з цэглы як заезны дом пры палацы слонімскага старосты М. К. Агінскага. Помнік архітэктуры барока.

Аўстэрыя ў пач. XX ст.

Славутасць
Слонімская аўстэрыя
53°05′39″ пн. ш. 25°19′16″ у. д.HGЯO
Краіна	Беларусь
Месцазнаходжанне	Слонім
Архітэктурны стыль	архітэктура барока[d]
Дата пабудовы	XVIII ст.
Статус	Гісторыка-культурная каштоўнасць Беларусі, шыфр 412Г000511шыфр 412Г000511
Медыяфайлы на Вікісховішчы

Архітэктура

Спачатку 2-павярховы (ў ХХ ст. надбудаваны 3-й паверх, завершаны 2-схільным дахам). Галоўны фасад прамавугольнага ў плане будынка раскрапаваны буйнамаштабнымі руставанымі лапаткамі і расчлянёны прамавугольнымі аконнымі праёмамі.

Палавіна 1-га паверха была адведзена пад гасціную, перакрытую 4 ветразевымі скляпеннямі з цэнтральнай апорай. Пад гэтай часткай дома размешчаны шырокія скляпеністыя падвалы. Цэнтральная лесвіца вядзе з вузкага вестыбюля на 2-і жылы паверх. Цяпер у будынку размешчана навучальная ўстанова.

Літаратура

• Памяць: Гіст.-дакум. хроніка Слонімскага раёна. — Мн.: БЕЛТА, 2004.— 752 с. — стар. 679.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 412Г000511

• На Вікісховішчы ёсць медыяфайлы па тэме Слонімская аўстэрыя
• Слонімская аўстэрыя на сайце «Архіварта»