Слуцкая акруга

Слу́цкая акру́га — адміністрацыйна-тэрытарыяльная адзінка Беларускай ССР, якая існавала з ліпеня 1924 года да 6 чэрвеня 1927 года і з 21 чэрвеня 1935 года па 20 лютага 1938 года. Адміністрацыйны цэнтр — горад Слуцк.

Слуцкая акруга
Краіна	СССР
Статус	акруга
Уваходзіць у	Беларуская ССР
Адміністрацыйны цэнтр	Слуцк
Дата ўтварэння	1924—1927; 1935—1938
Насельніцтва (1926)	309,4 тыс.
Шчыльнасць	8,4 тыс. чал./км²
Плошча	8 400 км²

Акруга ў 1924—1927

Слуцкая акруга ў 1925 годзе

Слуцкая акруга была ўтворана 17 ліпеня 1924 года^[1] і ўлучала 7 раёнаў: Грэскі, Капыльскі, Любанскі, Слуцкі, Старадарожскі, Старобінскі і Чырвонаслабодскі^[2]. Была скасавана 6 чэрвеня 1927 года^[3]. Яе тэрыторыя тым часам была раздзеленая паміж Бабруйскай і Мінскай акругамі.

Паводле перапісу 1926 года колькасць насельніцтва складала 309,4 тыс. чалавек, з іх ліку беларусаў — 90,0%, яўрэяў — 6,7%, рускіх — 1,4%, палякаў — 1,3%.

Слуцкая акруга ў 1924—1927 гг. У 1927 годзе Грэскі і Капыльскі раёны адышлі да Мінскай акругі, астатнія і да Бабруйскай акругі.

Пагранічная акруга 1935—1938 гадоў

Зноў акруга была ўтворана 21 чэрвеня 1935 года ў якасці пагранічнай акругі (якія ў тыя часы ствараліся ўздоўж заходняй граніцы СССР). Акруга ўлучала 6 раёнаў: Грэскі, Капыльскі, Любанскі, Слуцкі, Старобінскі і Чырвонаслабодскі.

Была скасавана 20 лютага 1938 года ў сувязі з увядзеннем абласнога падзелу ў саюзных рэспубліках СССР.

Кіраўніцтва

Старшыні Выканкама акружнога Савета

• Карнілій Максімавіч Жолудаў (жнівень 1935 — ліпень 1937)
• в. а. Міхаіл Васілевіч Кулагін (кастрычнік 1937 — красавік 1938)

Першыя сакратары акружнога камітэта КП(б)Б

• Саламон Давідавіч Каменштэйн (да 1937)
• Сямён Сцяпанавіч Ігаеў (1937 — сакавік 1938)

Зноскі

1. История Архівавана 31 снежня 2010. (руск.) // Слуцкі раённы выканаўчы камітэт
2. Анатолій Жук. Адшумелі стагоддзі над Случчу-ракой (нявызн.). Слуцкі край (18 лютага 2011).
3. БССР Архівавана 18 ліпеня 2011. (руск.)