Слуцкі краязнаўчы музей

Слуцкі краязнаўчы музей — музей у горадзе Слуцку, які прысвечаны гісторыі і культуры Слуцка і Слуцкага раёна.^[1] Маючы ў фондзе больш за 27 тысяч экспанатаў, колькасць якіх штогод узрастае, музей ладзіць каля 40 стацыянарных і перасоўных выставак і больш за 700 экскурсій у год.^[2]

Слуцкі краязнаўчы музей
Заснаваны	1953
Месцазнаходжанне	г. Слуцк, вул. Леніна, 171
Дырэктар	Серык Наталля Георгіеўна
slutsk.museum.by
Медыяфайлы на Вікісховішчы

Апісанне

Музей мае два філіялы: музей этнаграфіі і мастацкую галерэю. Асноўнай тэматыкай музею этнаграфіі з'яўляюцца быт і заняткі сялян Слуцкага павета ў XIX — пачатку XX стагоддзя.

У 2008 годзе музей святкаваў сваё 55-годдзе.^[3]

Будынак

Асноўны артыкул: Будынак дваранскага сходу, Слуцк

Слуцкі краязнаўчы музей размешчаны ў будынку былога дваранскага сходу, пабудаваны ў канцы XVIII — пачатку XIX стагоддзяў (імаверна, у 1789^[4] ці 1798 годзе^[5] ў стылі класіцызму і меў прызначэнне панскай сядзібы.^[4] Музей знаходзіцца амаль у цэнтры гораду па вуліцы Леніна, 171.^[6]

Фонды і экспазіцыі

Асноўны будынак мае 6 экспазіцыйных залаў агулай плошчай 280 м².^[1] Супрацоўнікамі музея былі сабраны такія калекцыі, як «Археалогія», «Баністыка», «Вексілалогія», «Дэкаратыўна-прыкладное мастацтва», «Дакументы», «Жывапіс», «Графіка», «Плакаты», «Лістоўкі, буклеты», «Нумізмаціка», «Вопратка», «Кнігі, брашуры», «Скульптура», «Шкло, фарфор», «Фалерыстыка», «Філатэлія», «Філакартыя», «Этнаграфія» і інш.^[7]

Сярод матэрыялаў дакументы пра беларускіх этнографаў і фалькларыстаў А. К. Сержпутоўскага, З. Я. Даленгу-Хадакоўскага, вайну 1812 года, паўстанне 1863—1864, рэвалюцыйны рух у канцы 19 — пачатку 20 стагоддзя, Кастрычніцкую рэвалюцыю, Грамадзянскую і Вялікую Айчынную войны.^[1]

У 2013 годзе на сродкі, сабраныя шляхам дабрачынных ахвяраванняў, быў набыты ўласны слуцкі пояс.^[8]

Гл. таксама

• Слуцкі музей этнаграфіі

Зноскі

1. Этнаграфія Беларусі: Энцыклапедыя / Рэд.: І. П. Шамякін (гал. рэд.) і інш. — Мн.: БелСЭ, 1989.
2. Слуцкі краязнаўчы музэй адкрыты да супрацоўніцтва // Слуцкі край.
3. Таццяна Гусева. Слуцкий краеведческий музей отпраздновал 55-летний юбилей (нявызн.)(недаступная спасылка). Інфа-Кур’ер (16 студзеня 2008). Архівавана з першакрыніцы 15 студзеня 2017. Праверана 12 студзеня 2017. (руск.)
4. Слуцкие пояса (нявызн.)(недаступная спасылка). Слуцкий хлебозавод. Архівавана з першакрыніцы 15 студзеня 2017. Праверана 12 студзеня 2017. (руск.)
5. Ігар Ціткоўскі. Дом, які пабудаваў B.S (нявызн.)(недаступная спасылка). Інфа-Кур’ер (7 верасня 2009). Архівавана з першакрыніцы 19 красавіка 2017. Праверана 12 студзеня 2017.
6. У Зборы помнікаў памылкова называецца Ленінскай
7. Государственное учреждение «Слуцкий краеведческий музей» (нявызн.)(недаступная спасылка). Слуцкий районный исполнительный комитет. Архівавана з першакрыніцы 27 кастрычніка 2011. Праверана 12 студзеня 2017. (руск.)
8. Слуцкий пояс! (нявызн.)(недаступная спасылка). Museum.by (7 снежня 2013). Архівавана з першакрыніцы 17 студзеня 2017. Праверана 12 студзеня 2017. (руск.)