Смаленская (станцыя метро, Арбацка-Пакроўская лінія)

У паняцця ёсць і іншыя значэнні, гл. Смаленская.

«Смаленская» (руск.: Смоле́нская) — станцыя Арбацка-Пакроўскай лініі Маскоўскага метрапалітэна. Размешчана ў раёне Арбат (ЦАА) пад Смаленскай плошчай, ад якой і атрымала назву. Адкрыта 5 красавіка 1953 г. у складзе ўчастка «Плошча Рэвалюцыі» — «Кіеўская». Архітэктары: І. Я. Рожын, Г. П. Якаўлеў. Пілонная трохскляпеністая станцыя глыбокага залажэння з адной астраўной платформай.

«Смаленская» руск.: Смоленская
Арбацка-Пакроўская лінія
Маскоўскі метрапалітэн
Дата адкрыцця	5 красавіка 1953 9 ліпеня 2021 (пасля рамонту)
Дата закрыцця	22 лютага 2020 (рамонт)
Архітэктары	Ігар Рожын[d]
Пераходы на станцыі	Плюшчыха
Код станцыі	043
Суседнія станцыі	Арбацкая (станцыя метро, Арбацка-Пакроўская лінія) і Кіеўская
Медыяфайлы на Вікісховішчы

Г Р П Арбацка-Пакроўская лінія

умоўныя абазначэнні абаротныя тупікі Шчолкаўская Першамайская Ізмайлаўская ЦЧ «Ізмайлава» Першамайская Партызанская Сямёнаўская Электразаводская Баўманская Курская СЗГ да Цвярской Плошча Рэвалюцыі СЗГ да Ахотнага раду СЗГ да Аляксандраўскага саду Арбацкая Смаленская Кіеўская Парк Перамогі СЗГ да Мінскай Славянскі бульвар Кунцаўская СЗГ да Філёўскай лініі Маладзёжная Крылацкае Прытунэльнае збудаванне «Д» Троіца-Лыкава Страгіно Мякініна Валакаламская Міціна Пятніцкая шаша ЦЧ «Міціна» абаротныя тупікі

Гісторыя

Станцыя адкрыта 5 красавіка 1953 г. у складзе ўчастка «Плошча Рэвалюцыі» — «Кіеўская», пасля адкрыцця якога (і адначасовага закрыцця ўчастка «Калінінская» — «Кіеўская») у Маскоўскім метрапалітэне стала 38 станцый.

Станцыя стала самай першай, дзе ў жніўні 2010 года былі заменены турнікеты на ўваходзе, у вестыбюлі.

З 22 лютага 2020 года па 9 ліпеня 2021 года станцыя была зачынена на капітальны рамонт і замену эскалатараў. Вестыбюлю вярнулі гістарычны выгляд.

Вестыбюлі і перасадкі

Каля станцыі адзін наземны вестыбюль (усходні), размешчаны ў двары дома 54 па вуліцы Арбат. У склад вестыбюля таксама ўваходзіць арка, якая выходзіць на Садовае кальцо.

Круглы наземны вестыбюль (архітэктары А. А. Велікарэцкі, А. Ф. Стралкоў) аздоблены чорным мармурам у аснаванні і ўпрыгожаны чатырма медальёнамі з выявамі гістарычных падзей і ўказаннямі дат: 1612, 1812, 1917 і 1945. Мазаічны фрыз круглай эскалатарнай залы ўяўляе сабой паўтаральную выяву ордэна «Перамога».