Снітаўскі сельсавет

Сні́таўскі сельсавет — былая адміністрацыйна-тэрытарыяльная адзінка ў складзе Іванаўскага раёна Брэсцкай вобласці Беларусі Цэнтр — аграгарадок (да 2010 года вёска) Снітава.

Снітаўскі сельсавет
Краіна	Беларусь
Уваходзіць у	Іванаўскі раён
Уключае	3 населеныя пункты
Адміністрацыйны цэнтр	Снітава
Дата ўтварэння	12 кастрычніка 1940
Дата скасавання	26 чэрвеня 2013
Насельніцтва (2009)	1 368
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Магільнаўскі сельсавет у складзе Іванаўскага раёна Пінскай вобласці. Цэнтр — вёска Магільна. З 8 студзеня 1954 года ў складзе Брэсцкай вобласці. З 25 снежня 1962 года па 6 студзеня 1965 года ў складзе Драгічынскага раёна. 16 лістапада 1970 года цэнтр сельсавета перанесены ў вёску Снітава, сельсавет перайменаваны ў Снітаўскі. На 1 студзеня 1974 года ў складзе Снітаўскага сельсавета 3 населеныя пункты^[1]. 26 чэрвеня 2013 года сельсавет скасаваны, яго тэрыторыя далучана да Гарбахскага сельсавета^[2].

Насельніцтва сельсавета паводле перапісу 2009 года — 1368 чалавек^[3], з іх 97,4 % — беларусы^[4].

На момант скасавання ў сельсавет уваходзілі 3 населеныя пункты: Варацэвічы, Снітава, Трудавая.