Снітка

У паняцця ёсць і іншыя значэнні, гл. Снітка (значэнні).

Сні́тка^[2][3], Сныць^[3] — род кветкавых раслін сямейства Парасонавыя (Apiaceae). Пашыраны ў Еўропе і ўмераным поясе Азіі. На тэрыторыі Беларусі 1 від — снітка звычайная (Aegopodium podagraria)^[3].

Снітка
Aegopodium podagraria
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Careae Род:  Снітка
Міжнародная навуковая назва
Aegopodium L., Sp. Pl. 1: 265 (1753)
Тыпавы від
Aegopodium podagraria L. typus[1] — Снітка звычайная
Сістэматыка на Віківідах Выявы на Вікісховішчы ITIS   29566 NCBI   40898 EOL   71080 GRIN   g:230 IPNI   92852-3

Біялагічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовыя травяністыя расліны з доўгім паўзучым карэнішчам. Лісце на доўгіх хвосціках, двойчы трайчастыя ці трайчатаперыстыя. Лісточкі — даўгавата-яйкападобныя, пілаватыя па краях.

Суквецці — парасонікі і парасончыкі, без лісточкаў абгорткі і абгортачак.

Кветкі дробныя, белыя, рэдка ружовыя. Тычынак пяць. Пад полагам лесу снітка звычайна не цвіце^[4].

Плады — сціснутыя з бакоў віслаплоднікі з тонкімі ніткападобнымі рэбрамі.

Віды

Паводле базы даных The Plant List, род уключае 8 відаў^[5]:

• Aegopodium alpestre Ledeb.
• Aegopodium burttii Nasir
• Aegopodium handelii H.Wolff
• Aegopodium henryi Diels
• Aegopodium kashmiricum (R.R.Stewart ex Dunn) Pimenov
• Aegopodium latifolium Turcz.
• Aegopodium podagraria L. typus^[1] — Снітка звычайная, ці Снітка, ці Снытка
• Aegopodium tadshikorum Schischk.

Гаспадарчае значэнне

Лекавыя і меданосныя расліны. Некаторыя віды — пустазелле. Маладое лісце сніткі звычайнай валодае своеасаблівым пахам, багатае на вітамін C, ужываецца ў ежу^[3].

Зноскі

1. NCU-3e. Names in current use for extant plant genera. Electronic version 1.0. Entry for Aegopodium L. (англ.) (Праверана 9 лістапада 2009)
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 9. — 160 с. — 2 350 экз.
3. БелЭн 2002.
4. Біялагічны энцыклапедычны слоўнік — Снітка (Праверана 9 лістапада 2009)
5. Aegopodium (англ.). The Plant List. Version 1.1. (4 ліпеня 2013). Праверана 4 верасня 2016.