Совападобныя

Совападобныя (Strigiformes або Striges) — атрад драпежных птушак, які ўключае больш за 220 буйных і сярэдняй велічыні відаў, у асноўным начных птушак, распаўсюджаных ва ўсіх краінах свету. У атрадзе два сямействы: савіныя або совы сапраўдныя і сіпухавыя, аднак у таксанаміі Сіблі-Олквіста ў атрад змяшчаюцца ўсе сямействы атрада лялякападобных (Caprimulgiformes).

Совападобныя
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Совападобныя
Міжнародная навуковая назва
Strigiformes
Сістэматыка на Віківідах Выявы на Вікісховішчы ITIS   177848 NCBI   30458 EOL   696 FW   39397

Даўжыня цела да 84 см, размах крылаў да 2 м, маса да 4,5 кг. Самкі буйнейшыя за самцоў. Апярэнне мяккае, рыхлае, шэрае, бурае ці рудаватае, з цёмнымі і светлымі плямамі і стракацінамі. Вочы вялікія, накіраваны ўперад, у большасці абкружаны тваравым дыскам з дробных пёраў. Зрок бінакуллрны. Вушныя адтуліны вялікія. Шыя рухомая, галава паварочваецца на 180—270°. Крылы шырокія, закругленыя, хвост кароткі. Дзюба кручкападобная, вострая, кароткая. Лапы моцныя, з вострымі і вялікімі кіпцюрамі, чатырохпальцыя. Цэўкі апераныя.

Корм пераважна жывёльны.

Манагамы. Адкладваюць 4—5 (часам да 14) яек.

Гл. таксама

• Даўгахвостая кугакаўка
• Пугачы
• Пугач рыбны
• Сава белая
• Сава-бярозаўка
• Сіпуха звычайная
• Сплюшка звычайная
• Сыч вераб’іны

Літаратура

• Совападобныя // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 74. — 10 000 экз. — ISBN 985-11-0035-8. — ISBN 985-11-0251-2 (т. 15).