Спартак Пятровіч Мірановіч

У Вікіпедыі ёсць артыкулы пра іншых людзей з прозвішчам Мірановіч.

Спарта́к Пятро́віч Мірано́віч^[1] (нар. 20 чэрвеня 1938, Магнітагорск, РСФСР) — беларускі гандбаліст, трэнер па гандболе. Майстар спорту СССР, заслужаны трэнер СССР (1977) і заслужаны трэнер БССР (1967), заслужаны дзеяч фізічнай культуры і спорту БССР (1981).

Спартак Мірановіч
Агульная інфармацыя
Поўнае імя	Спартак Пятровіч Мірановіч
Нарадзіўся	20 чэрвеня 1938(1938-06-20) (87 гадоў) Магнітагорск, Чалябінская вобласць, РСФСР, СССР
Грамадзянства	СССР  Беларусь
Альма-матар	Гомельскі педагагічны інстытут імя В. П. Чкалава (1963)
Пазіцыя	разыгрывальнік
Інфармацыя пра клуб
Клуб	СКА Мінск
Пасада	трэнер
Клубная кар’ера[* 1]
Буравеснік Мінск Палітэхнік Мінск
Трэнерская кар’ера
1976—2016 СКА Мінск 1992 Аб’яднаная каманда 1992—1998  Беларусь 2001—2008  Беларусь 2016— СКА Мінск трэнер
Узнагароды і медалі Дзяржаўныя ўзнагароды Ордэн Айчыны 3 ступені, Беларусь
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Біяграфія

У 1963 скончыў Гомельскі педагагічны інстытут. Гандбольную кар’еру пачаў у 1960-я, гуляў за каманды «Буравеснік» і «Палітэхнік» з Мінска на пазіцыі разыгрывальніка. З 1976 па 2016 галоўны трэнер каманды СКА (Мінск). Пад яго кіраўніцтвам каманда тройчы станавілася ўладальніцай Кубка еўрапейскіх чэмпіёнаў і двойчы выйгравала Кубак уладальнікаў кубкаў. Акрамя таго, СКА шэсць разоў быў чэмпіёнам СССР, а ў чэмпіянаце суверэннай Беларусі падапечныя Спартака Міронавіча 10 раз запар станавіліся ўладальнікамі залатых медалёў. Спартак Мірановіч быў трэнерам зборных каманд СССР і СНД, якія двойчы ў Сеуле (1988) і Барселоне (1992) заваёўвалі алімпійскае золата, былі сярэбранымі прызёрамі чэмпіянатаў свету і Суперкубка, пераможцамі Гульняў добрай волі. У 1991—1997 гадах Спартак Мірановіч быў членам выканкама Нацыянальнага алімпійскага камітэта.

Узнагароды і званні

• Заслужаны трэнер БССР (1967)
• Заслужаны дзеяч фізічнай культуры БССР (1981)
• Заслужаны трэнер СССР (1977)
• Ордэн Дружбы народаў
• Ордэн Айчыны ІІІ ступені (2013)
• Спецыяльная прэмія Прэзідэнта Рэспублікі Беларусь «Беларускі спартыўны Алімп» 2025 года — за значны ўклад у развіццё фізічнай культуры і спорту, актыўную дзейнасць па папулярызацыі фізічнай культуры і спорту, развіцці фізкультурна-спартыўных традыцый, якія садзейнічаюць фарміраванню гарманічнай асобы^[2].

Зноскі

1. Беларусь 1995.
2. Указ Прэзідэнта Рэспублікі Беларусь ад 17 снежня 2025 года № 440 «Аб прысуджэнні спецыяльнай прэміі Прэзідэнта Рэспублікі Беларусь» (нявызн.). pravo.by.