Спаса-Праабражэнская царква (Мамаі)

Спаса-Праабражэнская царква — праваслаўны храм у в. Мамаі (Глыбоцкі раён). Помнік архітэктуры класіцызму з элементамі позняга барока. Пабудаваны ў канцы XVIII ст. як касцёл. З 1866 г. — царква Праабражэння Гасподняга.

Праваслаўны храм
Спаса-Праабражэнская царква
55°11′35″ пн. ш. 27°45′06″ у. д.HGЯO
Краіна	Беларусь
Вёска	Мамаі
Канфесія	Беларуская Праваслаўная Царква
Епархія	Полацкая і Глыбоцкая епархія
Архітэктурны стыль	класіцызм з элементамі позняга барока
Дата пабудовы	XVIII стагоддзе
Статус	Гісторыка-культурная каштоўнасць Беларусі, шыфр 213Г000394шыфр 213Г000394
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Архітэктура

Прамавугольны ў плане мураваны будынак накрыты двухсхільным пакатым дахам з трохвугольнымі франтонамі на тарцах. У аснову архітэктарскай пластыкі фасадаў пакладзены дарычны ордар. Галоўны фасад раскрапаваны паўкалонамі, прамавугольнымі плоскімі і глыбокімі паўкруглымі нішамі. Уваход аформлены вялікім парталам. Бакавыя фасады з высока размешчанымі прамавугольнымі вокнамі аздобленыя пілястрамі. Сцены завершаныя развітым дарычным антаблементам. Унутры будынку дапаможныя памяшканні па чатырох вуглах прасторава вылучаюць з асноўнага памяшкання ўваходную і алтарную часткі. На сценах пілястры карынфскага ордара, на плоскай столі — цыліндрычныя скляпенні.

Брама-званіца

Па восі будынку стаіць двух'ярусная мураваная званіца-брама, завершаная трохвугольным франтонам, якая па стылістыцы адпавядае архітэктуры касцёла.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000394

• На Вікісховішчы ёсць медыяфайлы па тэме Спаса-Праабражэнская царква (Мамаі)
• Спаса-Праабражэнская царква (Мамаі) на сайце Праваслаўная архітэктура Беларусі (бел.)
• Спаса-Праабражэнская царква (Мамаі) на сайце Radzima.org
• Спаса-Праабражэнская царква (Мамаі) на сайце Глобус Беларусі (руск.)
• Спаса-Праабражэнская царква (Мамаі) на сайце «Архіварта»