Спораўскі сельсавет

Спо́раўскі сельсавет — адміністрацыйна-тэрытарыяльная адзінка ў складзе Бярозаўскага раёна Брэсцкай вобласці. Цэнтр — аграгарадок Спорава.

Спораўскі сельсавет
Краіна	Беларусь
Уваходзіць у	Бярозаўскі раён
Уключае	2 населеныя пункты
Адміністрацыйны цэнтр	Спорава
Дата ўтварэння	12 кастрычніка 1940
Насельніцтва (2019)	1 522
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Здзітаўскі сельсавет у складзе Бярозаўскага раёна Брэсцкай вобласці БССР. Цэнтр — вёска Здзітава. У 1962 годзе ў склад сельсавета з адміністрацыйнага падпарадкавання Белаазёрскага пассавета перададзены 6 населеных пунктаў (Альшэва, Лісічыцы, Манявічы, Нівы, Ніўкі і Хрыса)^[1]. На 1 студзеня 1974 года ў складзе Здзітаўскага сельсавета 2 населеныя пункты^[2]. 18 студзеня 1988 года сельсавет перайменаваны ў Спораўскі, цэнтр перанесены ў вёску Спорава.

Насельніцтва сельсавета паводле перапісу 2009 года — 1932 чалавекі^[3], з іх 95,7 % — беларусы, 2,9 % — рускія, 1,1 % — украінцы^[4]; паводле перапісу 2019 года — 1522 чалавекі^[5].