Спіс людзей, арыштаваных за рэдагаванне Вікіпедыі

Некаторыя рэдактары Вікіпедыі былі зняволеныя ўрадамі краін за ўклад у энцыклапедыю.

Басэль Хартабіль Сафадзі. Фотаздымак 2010 года з Паўднёвай Карэі. Ён быў пакараны смерцю сірыйскімі ўладамі ў 2015 годзе.

Беларусь

Марк Бернштэйн (трымае мікрафон) на Маскоўскай Вікіканферэнцыі, 2014 г.

Марк Бернштэйн — беларускі рэдактар Вікіпедыі на рускай мове. Быў затрыманы 11 сакавіка 2022 года за парушэнне расійскага закона аб ваеннай цэнзуры ў 2022 годзе^[en] з-за рэдагавання артыкулаў Вікіпедыі пра расійскае ўварванне ва Украіну ў 2022 годзе і асуджаны на спачатку 15 дзён арышту, а пазней — на тры гады абмежавання волі без накіравання ў папраўчую ўстанову^[1][2][3].

Павел Пернікаў — удзельнік некалькіх раздзелаў Вікіпедыі (у тым ліку двух беларускіх). 7 красавіка 2022 года быў асуджаны на два гады калоніі ўзмоцненага рэжыму за допісы ў інтэрнэце, якія «дыскрэдытуюць Рэспубліку Беларусь», у тым ліку дзве праўкі ў Вікіпедыі пра палітычныя рэпрэсіі ў Беларусі^[4][5][6].

Максім Лепушэнка — адміністратар і бюракрат беларускай Вікіпедыі. Затрыманы 15 мая 2025 года ў рамах рэпрэсій, скіраваных супраць аўтараў і рэдактароў беларускай Вікіпедыі^[7]. Прызнаны палітычным зняволеным^[8].

Вольга Сітнік — адміністратарка беларускай Вікіпедыі і ўдзельніца іншых праектаў Вікімедыя. Некалькі разоў затрымлівалася з красавіка 2025 года. Разам з іншымі вікіпедыстамі праходзіць па невядомай крымінальнай справе^[9]. Праваабарончымі арганізацыямі прызнана палітычнай звяволенай^[10].

Саудаўская Аравія

Усама Халід і Зіяд ас-Сафіяні ў 2016 годзе.

Усама Халід^[en] (араб. أسامة خالد‎) — былы адміністратар арабскай Вікіпедыі з Саудаўскай Аравіі, у верасні 2020 года быў асуджаны да пяці гадоў пазбаўлення волі за «разгойдванне грамадскай думкі» і «парушэнне грамадскай маралі» шляхам унясення правак, «крытычных адносна пераследу палітычных актывістаў у краіне»^[11]. Прысуд Халіду быў павялічаны да 32 гадоў у верасні 2022 года ў рамках кампаніі па падаўжэнні тэрмінаў зняволення палітычных зняволеных, аб гэтым паведамляюць Democracy for the Arab World Now^[en] і SMEX^[en], ліванская няўрадавая арганізацыя^[12][13].

Зіяд аль-Саф’яні^[en] (араб. زياد السفياني‎) — таксама былы адміністратар арабскай Вікіпедыі, таксама быў абвінавачаны ў «разгойдванні грамадскай думкі» і «парушэнні грамадскай маралі» праз унясенне правак, якія «крытыкуюць пераслед палітычных актывістаў у краіне». У верасні 2020 года яго асудзілі да васьмі гадоў пазбаўлення волі^[11][12][13].

Сірыя

Басэль Хартабіль^[en] (араб. باسل خرطبيل‎) быў удзельнікам шэрагу праектаў з адкрытым зыходным кодам, разам з Вікіпедыяй; яго арышт у 2012 годзе, верагодна, быў звязаны з яго дзейнасцю ў інтэрнэце. Ён быў пакараны смерцю ў турме Адра^[en] каля Дамаска ў 2015 годзе^[14]. У 2017 годзе некалькі арганізацый, у тым ліку Wikimedia Foundation, стварылі стыпендыю Bassel Khartabil Free Culture Fellowship у яго гонар. Яна была запушчана з трохгадовым абавязацельствам прасоўваць такія каштоўнасці, як адкрытая культура, радыкальнае распаўсюджванне, свабодныя веды, рэміксаванне, калабарацыі, мужнасць, аптымізм і чалавечнасць^[15].

Гл. таксама

• Рэпрэсіі супраць беларускіх вікіпэдыстаў (з 2022)
• Палітычныя зняволеныя
• Палітычныя рэпрэсіі
• Правы чалавека

Зноскі

1. Belarusian Blogger Handed Parole-Like Sentence(англ.). 2022-06-24. Архівавана з арыгінала 2022-06-25.
2. Song, Victoria (2022-03-11). A top Wikipedia editor has been arrested in Belarus(англ.). Архівавана з арыгінала 2022-03-11.
3. В Беларуси задержали Марка Бернштейна — активиста и популяризатора интернет-энциклопедии Wikipedia.org(руск.). 2022-03-11. Архівавана з арыгінала 2022-03-11.
4. В Беларуси редактора "Википедии" приговорили к 2 годам колонии по статье о "дискредитации" страны [In Belarus, the editor of "Wikipedia" was sentenced to 2 years in prison under an article about "discrediting" the country]. Настоящее Время(руск.). 2022-04-07. Архівавана з арыгінала 2022-06-01. Праверана 2022-04-20.
5. В Беларуси редактора "Википедии" приговорили к 2 годам колонии за правки в статьях о протестах [Wikipedia editor sentenced to 2 years in prison in Belarus for editing articles about protests]. Esquire (Russian edition)(руск.). 2022-04-07. Архівавана з арыгінала 2023-01-16. Праверана 2022-04-20.
6. Редактора Википедии из Бреста приговорили к двум годам колонии за правки к статьям, "дискредитирующие Белоруссию" [Wikipedia editor from Brest sentenced to two years in prison for editing articles “discrediting Belarus”]. Fontanka.ru(руск.). 2022-04-07. Архівавана з арыгінала 2022-07-17. Праверана 2022-04-20.
7. Затрымалі адміністратара беларускай Вікіпедыі Максіма Лепушэнку  (бел.). Наша Ніва (17 мая 2025). Праверана 21 ліпеня 2025.
8. Заява аб прызнанні чатырох чалавек палітычнымі зняволенымі  (бел.). Вясна (17 чэрвеня 2025).
9. Спецслужбы шукаюць фатографаў на мітынг Ціханоўскіх праз скрадзены акаўнт арыштаванай рэдактаркі Вікіпедыі  (бел.). Наша Ніва (25 чэрвеня 2025). Архівавана з першакрыніцы 12 ліпеня 2025. Праверана 23 ліпеня 2025.
10. Заява аб прызнанні 20 чалавек палітычнымі зняволенымі  (бел.). Вясна (23 ліпеня 2025).
11. Belanger, Ashley (2023-01-06). Wikipedia admin jailed for 32 years after alleged Saudi spy infiltration. Ars Technica [амерыканская англійская]. Архівавана з арыгінала 2023-01-19. Праверана 2023-01-16.
12. Saudi Arabia jails two Wikipedia staff in ‘bid to control content’, Ả Rập Xê Út phạt tù hai nhân viên Wikipedia trong 'nỗ lực kiểm soát nội dung' // The Guardian — United Kingdom, London: GMG, 2023. — ed. size: 161152 — ISSN 0261-3077

    <a href='https://wikidata.org/wiki/Track:Q11148'></a><a href='https://wikidata.org/wiki/Track:Q84'></a><a href='https://wikidata.org/wiki/Track:Q145'></a><a href='https://wikidata.org/wiki/Track:Q2665980'></a><a href='https://wikidata.org/wiki/Track:Q116039713'></a>
13. Saudi Arabia 'infiltrated' Wikipedia to control content, activists say. Middle East Eye(англ.). 2023-01-05. Архівавана з арыгінала 2023-01-27. Праверана 2023-01-16.
14. Bassel Khartabil: Syrian internet freedom activist 'executed'. BBC News [брытанская англійская]. 2017-08-02. Архівавана з арыгінала 2023-03-15. Праверана 2023-03-15.
15. Maher, Katherine. Honoring our friend Bassel: Announcing the Bassel Khartabil Free Culture Fellowship (англ.)  (нявызн.) ?. Diff (11 жніўня 2017). Архівавана з першакрыніцы 3 лютага 2023. Праверана 15 сакавіка 2023.