Станіслаў Іванавіч Траццяк

Станіслаў Іванавіч Трацця́к^[2] (нар. 7 снежня 1950, Калінінград, СССР) — беларускі вучоны ў галіне агульнай хірургіі, клетачных біятэхналогій і транспланталогіі. Доктар медыцынскіх навук (1996), прафесар (1998). Член-карэспандэнт НАН Беларусі (2014)^[3], акадэмік НАН Беларусі (2021)^[4].

Станіслаў Іванавіч Траццяк
Дата нараджэння	7 снежня 1950(1950-12-07)[1] (74 гады)
Месца нараджэння	Калінінград, Калінінградская вобласць, РСФСР, СССР[1]
Грамадзянства	СССР  Беларусь
Род дзейнасці	хірург, выкладчык, навуковец
Месца працы	БДМУ
Навуковая ступень	доктар медыцынскіх навук (1996)
Навуковае званне	прафесар (1998) акадэмік НАН Беларусі (2021)
Альма-матар	Мінскі медыцынскі інстытут (1974)
Прэміі
Узнагароды

У Вікіпедыі ёсць артыкулы пра іншых людзей з прозвішчам Траццяк.

Біяграфія

Скончыў Мінскі медыцынскі інстытут (1974). З 1974 года ў Беларускім медыцынскім інстытуце (з 1990 года — дацэнт, з 1995 года — загадчык кафедры).

Навуковая дзейнасць

Асноўныя навуковыя працы прысвечаны распрацоўцы новых падыходаў да алатрасплантацыі «свежых» алагенных клапанаў сэрца, вывучэнню магчымасці працяглага захавання ў прасвеце сасудаў і сэрца алагенных і ксенагенных тканін без імунасупрэсіўнай тэрапіі, абгрунтаванню раней нявывучаных заканамернасцяў у транспланталогіі, распрацоўцы прынцыпова новых падыходаў да хірургічнага лячэння інсулінзалежнага цукровага дыябету, гіпатэрыёзу, гіпапаратэрыёзу з выкарыстаннем клеткавых тэхналогій, распрацоўцы і ўкараненню ў практыку сучасных методык пры лячэнні ачаговых паражэнняў печані, дыягностыцы і лячэнні запаленчых захворванняў падстраўнікавай залозы, распрацоўцы метаду лячэння трафічных язваў з выкарыстаннем аўталагічных ствалавых клетак^[3].

Аўтар больш за 400 навуковых прац, у тым ліку 3 манаграфій, 15 патэнтаў^[3].

Узнагароды і прэміі

Лаўрэат Дзяржаўнай прэміі Рэспублікі Беларусь у галіне навукі і тэхнікі (2004, у аўтарскім калектыве) — за працу «Новы метад хірургічнага лячэння інсулінзалежнага цукровага дыябета шляхам ксенатрансплантацыі астраўковых клетак у сасудзістае рэчышча рэцыпіента (эксперыментальна-клінічнае даследаванне)»^[3].

Узнагароджаны медалём «За працоўныя заслугі» (2001)^[3], ордэнам Пашаны (2021)^[5]. Выдатнік аховы здароўя Рэспублікі Беларусь (1999). Заслужаны дзеяч навукі Рэспублікі Беларусь (2008)^[3].

Зноскі

1. Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 523. — 552 с. — ISBN 985-11-0251-2

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q24038862'></a><a href='https://wikidata.org/wiki/Track:Q14271902'></a>
2. БелЭн 2002.
3. Станіслаў Іванавіч Траццяк на сайце НАН Беларусі
4. 17 декабря 2021 года решением Общего собрания Национальной академии наук Беларуси избраны…
5. Указ Прэзідэнта Рэспублікі Беларусь 19 кастрычніка 2021 г. № 410 «Аб узнагароджанні»