Станіслаў Сак

Сак, у хрышчэнні Станіслаў (XIV ст. — пасля 20 студзеня 1433) — літоўскі баярын, староста дубінскі (1433).

Станіслаў Сак
Помян
Нараджэнне	XIV стагоддзе
Смерць	не раней за 1433
Род	Саковічы
Дзеці	Андрэй Саковіч[1], Васька Саковіч[d][2], Станька Саковіч[d][3], Пётр Саковіч[d][2], Федзька Саковіч[d][3], Алехна Саковіч[d][1] і Ян Саковіч[d][3]

Біяграфія

На Гарадзельскай уніі прыняў герб «Помян»^[4]. Да акта ўніі прыклаў пячатку, якая ідэнтыфікуе яго хрысціянскае імя Станіслаў. Надпіс на абадку пячаткі:

† 𝖘𝖙𝖆𝖓𝖎𝖘𝖑𝖆𝖎 ∵ . . 𝖘 ∵ 𝖘𝖆𝖐 ∵

Родапачынальнік роду Саковічаў герба «Помян». Напэўна, сваяком Сака быў Ян Даўгірд, бо таксама ўжываў герб «Помян» і выступаў сведкам данацыі Андрэя Саковіча Віленскай кафедры ў 1434 годзе^[5].

Валодаў Немянчынам^[4].

Падчас грамадзянскай вайны (1432—1435) быў прыхільнікам вялікага князя літоўскага Свідрыгайлы, як сведка 15 мая 1432 года ў Скірстымоні падпісаў яго дагавор з Тэўтонскім ордэнам^[4].

Пячаткі

• 
  1422 год
• 
  1432 год
• 
  1433 год

Дзеці

Паводле^[6]:

• Андрэй — ваявода троцкі (1459—1465), намеснік полацкі (1444—1458), намеснік смаленскі (1440).
• Васко (Васіль) (? — каля 1473) — 25 ліпеня 1444 года разам з жонкай, дачкой і іншымі (не названымі) дзецьмі зрабіў ахвяраванне віленскім францысканцам^[7]. Жонка — Мілохна^[8].
• Алехна — староста бельскі (1477—1481)
• Івашка (Ян) — староста вількейскі (1451), маршалак гаспадарскі (1472)
• Станька (Станіслаў) — меў бенефецыйныя ўладанні ў Боліне і Уле, атрыманыя ад Жыгімонта Кейстутавіча і Казіміра Ягелончыка^[9]. Жонка — Васька.
• Пётр — староста ковенскі (1447), напэўна ўпамінаецца як Vako у час паездкі да магістра Ордэна ў пачатку 1447 года^[10].
• Федзька — згадваецца адзіны раз паміж 1441—1443 гадамі, калі атрымаў людзей ад вялікага князя Казіміра Ягелончыка^[11]. Магчыма, староста бельскі ў 1439 годзе^[12].