Андрэй Саковіч

У Вікіпедыі ёсць артыкулы пра іншых людзей з прозвішчам Саковіч.

Андрэй Саковіч (? — 1465) — вялікалітоўскі дзяржаўны дзеяч. Намеснік смаленскі (1440) і полацкі (1444—1458).

Андрэй Саковіч
Герб «Помян»
намеснік полацкі[d] 1444 — 1458
Папярэднік	Івашка Гойцавіч[d]
Пераемнік	Пётр Мантыгірдавіч
намеснік смаленскі[d] з 1440
Папярэднік	Ян Гаштольд
Пераемнік	Сямён Ямантавіч[d]
ваявода троцкі 1459 — 1465
Папярэднік	Івашка Манівідавіч
Пераемнік	Івашка Вяжэвіч[d]
староста дубінкаўскі[d] 1434 — 1435
Папярэднік	Станіслаў Сак
Смерць	1465(1465)
Род	Саковічы
Бацька	Станіслаў Сак
Дзеці	Багдан, Юрый, Мікалай

Біяграфія

Адзін з кіраўнікоў войска Вялікага Княства Літоўскага ў пераможнай бітве з маскоўскім войскам пад Сухадровам у 1445. Удзельнік перамоў з крыжакамі ў 1432 і 1451 гадах, пасол у Чэхію ў 1453 годзе.

Меў буйныя зямельныя ўладанні — частку Немянчынскай воласці, Свянцяны, Груздава, Дуброва ў Менскім павеце, Мядзел і іншыя (агулам каля 500 дымоў).

Ахвяраваў на царкву, вядома яго дарчая грамата Віленскаму кафедральнаму сабору ад 9 чэрвеня 1434 г., дарчая грамата парафіяльнаму касцёлу ў Груздаве ад 3 лютага 1443 г. і дарчая грамата для заснаванага парафіяльнага касцёла ў Мядзеле ад 21 лютага 1457 г.

Верагодна, у канцы жыцця (каля 1460 года) займаў пасаду троцкага ваяводы^[1].

Сям’я

З баярскага роду Саковічаў, сын Станіслава Сака, які на Гарадзельскай уніі 1413 атрымаў герб «Помян».

Меў сыноў Багдана, Юрыя і Мікалая. Ад Юрыя пайшоў род Насілоўскіх.

Зноскі

1. ЭнцВКЛ 2005.