Старая Беліца (Гомельскі раён)

Стара́я Бе́ліца^[2] (трансліт.: Staraja Bielica, руск.: Старая Белица) — вёска ў Беларусі, у Гомельскім раёне Гомельскай вобласці. Уваходзіць у склад Урыцкага сельсавета. Да 26 верасня 2006 года вёска ўваходзіла ў склад Старабеліцкага сельсавета^[3].

Вёска Старая Беліца Герб Краіна Беларусь Вобласць Гомельская Раён Гомельскі Сельсавет Урыцкі Каардынаты 52°30′23″ пн. ш. 30°45′55″ у. д.HGЯO Першая згадка XVI стагоддзе Насельніцтва ▼399 чал. (2019)[1] Часавы пояс UTC+3 Тэлефонны код 23(2) Паштовыя індэксы 247024 Аўтамабільны код 3 Старая Беліца на карце Беларусі ±

Старая Беліца на Вікісховішчы

У паняцця ёсць і іншыя значэнні, гл. Старая Беліца.

Геаграфія

Знаходзіцца за 20 км у напрамку на паўночны захад ад Гомеля^[4], за 12 км ад чыгуначнай станцыі Уза^[4], за 4 км ад аўтамабільнай дарогі М8 (E95)^[5].

Непадалёк працякае рэчка Белічанка (прыток Узы).

Гісторыя

Вёска Старая Беліца ўваходзіла ў склад валадарстваў Вялікага княства Літоўскага. У 1775 годзе была падораная імператрыцай Кацярынай II князю М. Кантгаўзену, у якога і купіў Старую Беліцу ў пачатку XIX стагоддзя для свайго сына Міхала Станіслаў Солтан-Перасвет (з старажытнага княжацкага роду). У 1777 годзе ў цэнтры вёскі была пабудаваная праваслаўная Мікалаеўская царква, якая ў цяперашні час з’яўляецца помнікам архітэктуры (ахоўваецца дзяржавай).

З 8 снежня 1924 года Старая Беліца цэнтр сельсавета Уваравіцкага раёна Гомельскай акругі. З 20 лютага 1938 года ў Гомельскай вобласці, з 17 красавіка 1962 года ў Гомельскім раёне. Да 2006 года вёска Старая Беліца была цэнтрам Старабеліцкага сельсавета.

Насельніцтва

• 1773 год — 490 жыхароў, 47 двароў;
• 1875 год — 666 жыхароў, 150 двароў:
• 1886 год — 664 жыхары, 110 двароў;
• 1926 год — 635 жыхароў, 194 двары;
• 2001 год — 576 жыхароў, 333 двары^[4].

Памятныя і гістарычныя мясціны

• Свята-Мікалаеўская царква —  Гісторыка-культурная каштоўнасць Беларусі, шыфр 312Г000223шыфр 312Г000223.
• Помнік землякам, якія загінулі ў Вялікую Айчынную вайну.

Вядомыя асобы

• Георгій Васілевіч Штыхаў (1927—2018) — беларускі археолаг і гісторык. Доктар гістарычных навук (1983).

Зноскі

1. http://pop-stat.mashke.org/belarus-census-2019/homielskaja.htm
2. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
3. «Об изменении административно-территориального устройства районов Гомельской области». Решение Гомельского областного Совета депутатов от 26 сентября 2006 г. № 295 Архівавана 22 верасня 2019. (руск.)
4. БелЭн 2002.
5. Республика Беларусь. Атлас охотника и рыболова: Гомельская область / Редактор Г. Г. Науменко. — Мн.: РУП «Белкартография», 2011. — С. 18. — 68 с. — 10 000 экз. — ISBN 978-985-508-107-5. (руск.)