Старынка (Мсціслаўскі раён)

У паняцця ёсць і іншыя значэнні, гл. Старынка.

Стары́нка^[1] (трансліт.: Starynka, руск.: Старинка) — вёска ў Мсціслаўскім раёне Магілёўскай вобласці. Уваходзіць у склад Ходасаўскага сельсавета.

Вёска Старынка Краіна Беларусь Вобласць Магілёўская Раён Мсціслаўскі Сельсавет Ходасаўскі Каардынаты 53°55′40″ пн. ш. 31°21′18″ у. д.HGЯO Насельніцтва ▼40 чал. (2009) Часавы пояс UTC+3 Тэлефонны код +375 2240 Аўтамабільны код 6 СААТА 7246852041 Старынка на карце Беларусі ±

Старынка на Вікісховішчы

Гісторыя

Вёска

Вядома з 1816 года. У 1883 годзе ў Доўгавіцкай воласці Чэрыкаўскага павета Магілёўскай губерні. Акрамя земляробства частка насельніцтва займалася сталярным промыслам.

Савецкая ўлада ўстаноўлена ў студзені 1918 г. У 1925 г. адкрыта працоўная школа 1-й ступені, у якой у 1927 г. было 58 вучняў, дзейнічаў гурток па ліквідацыі непісьменнасці сярод дарослых. У 1931 г. арганізованы калгас «Новая вёска», які у 1932 г. аб’ядноўваў 65 гаспадарак, меў 532 га ворыва, абслугоўвала яго Ходасаўская МТС імя Тэльмана. Працавала кузня па рамонце сельгасінвентара.

У Вялікаю Айчынную вайну з 14 ліпеня 1941 г. да 28 верасня 1943 г. вёска была акупавана нямецка-фашысцкімі захопнікамі.

Да 24 лютага 1982 года вёска ўваходзіла ў склад Доўгавіцкага сельсавета^[2].

У 1999 г. у складзе калгаса «XXVI-ы з’езд КПСС».^[3]

Станам на 2016 год у складзе Мсціслаўскага «Райаграпрамтэхзабеспячэння».

Насельніцтва

• 1816 г. — 14 двароў, 101 жыхар
• 1883 г. — 30 двароў, 186 жыхароў
• 1897 г. — 43 двары, 284 жыхары
• 1909 г. — 43 двароў, 266 жыхароў
• 2012 г. — 45 жыхароў
• 2013 г. — 41 жыхар
• 2014 г. — 39 жыхароў
• 2015 г. — 38 жыхароў
• 2016 г. — 32 жыхара

Вядомыя асобы

• Уладзімір Аўрамавіч Фамін (1935—1994) — беларускі філосаф.