Стрэлкі

Стрэ́лкі^[1][2] (Capsélla) — род кветкавых раслін з сямейства Капуставыя (Brassicaceae).

Стрэлкі
Стрэлкі звычайныя (Capsella bursa-pastoris)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Род:  Стрэлкі
Міжнародная навуковая назва
Capsella Medik.
Сістэматыка на Віківідах Выявы на Вікісховішчы ITIS   22765 NCBI   3718 EOL   71229 GRIN   g:2054 IPNI   12400-1

Назва

Лацінская навуковая назва дадзена па форме пладоў: лац.: capsella — скрыначка, куфэрак.

Батанічнае апісанне

Стрэлкі звычайныя (Capsella bursa-pastoris). Батанічная ілюстрацыя Якаба Штурма з кнігі «Deutschlands Flora in Abbildungen», 1796

Аднагадовыя або двухгадовыя травяністыя расліны. Сцябло простае або галінастае. Сцябловае лісце сядзячае, простае, суцэльнае, ніжняе — у прыкаранёвай разетцы, перыста-раздзельнае. Кветкі белага або ружовага колеру, з чатырма пялёсткамі. Суквецце — гронка. Плод — стручочак.

Распаўсюджанне і экалогія

На тэрыторыі Беларусі 1 від: — Стрэлкі звычайныя (Capsella bursa-pastoris). Трапляюцца на пустках, як пустазелле на палях, у садах, каля дарог.

Выкарыстанне

Шырока ўжываецца ў народнай і навуковай медыцыне. Лісце прыдатнае ў ежу. У насенні маецца алей^[2].

Віды

Паводле сайта The Plant List род налічвае 9 відаў.

• Capsella bursa-pastoris (L.) Medik. — Стрэлкі звычайныя
• Capsella draboides Korsh.
• Capsella × gracilis Gren.
• Capsella grandiflora (Fauché & Chaub.) Boiss.
• Capsella lycia Stapf
• Capsella mexicana Hemsl.
• Capsella orientalis Klokov
• Capsella puberula Rupr.
• Capsella rubella Reut.