Стэнагалінныя арганізмы

Стэнагалі́нныя аргані́змы^[1] (ад грэч. στενός — «вузкі» і грэч. άλινος — «салёны») — водныя жывыя арганізмы, прыстасаваныя да існавання ў вузкім дыяпазоне значэнняў салёнасці вады і здольныя пераносіць толькі нязначныя ваганні гэтых значэнняў.

Рыба Symphysodon aequifasciatus жыве выключна ў прэснай вадзе і не вытрымлівае нават досыць нізкай мінералізацыі

Тыповыя марскія стэнагалінныя арганізмы адзначаны амаль ва ўсіх групах раслін і жывёл (напрыклад, медузы, селядцы, бычкі, прамянёвікі, марскія зоркі). У прэснаводных вадаёмах большасць раслін і жывёл адносяцца да стэнагалінных арганізмаў (напрыклад, такія рыбы, як сцерлядзь, лінь, карась^[1]).

Стэнагалінныя арганізмы ў сваю чаргу падзяляюцца на алігастэнагалінныя (напрыклад, калаўроткі Hexarthra oxyuris, Brachionus plicatilis, якія якія жывуць у слабасалёных Азоўскім і Каспійскім морах^[2]) і полістэнагалінныя (напрыклад, марская зорка Pentagonaster granularis)^[3]. Таксама вылучаюць ультрастэнагалінныя арганізмы, якія распаўсюджаны ў моцнасалёных водах (напрыклад, водарасці Dunaliella salina, Asteromonas gracilis, ракападобныя Artemia salina)^[2].

Гл. таксама

• Стэнабіёнты

Зноскі

1. БелЭн 2002.
2. Гидроэкология: материалы к практическим занятиям: учеб.-метод. пособие / В. А. Сенкевич, Т. Г. Стойко. ‒ Пенза: Изд-во ПГУ, 2021. ‒ 72 с. (руск.) (Праверана 10 ліпеня 2023)
3. ОБЩАЯ ГИДРОБИОЛОГИЯ: учебно-методическое пособие / З. Г. Гольд, В. М. Гольд. — 2-е изд., перераб. — Красноярск: Сиб. федерал. ун-т, 2013. (руск.) (Праверана 10 ліпеня 2023)