Суздальскі Спаса-Яўфім’еў манастыр

Спаса-Яўфім'еў манастыр — праваслаўны мужчынскі манастыр, размешчаны на левым беразе ракі Каменка ў паўночнай частцы Суздаля. Заснаваны ў 1352 суздальска-ніжагародскім князем Барысам Канстанцінавічам, як крэпасць, каб абараняць горад ад знешніх і ўнутраных ворагаў.

Манастыр
Спаса-Яўфім'еў манастыр
56°25′59″ пн. ш. 40°26′21″ у. д.HGЯO
Краіна	Расія
Горад	Суздаль
Канфесія	Праваслаўе
Епархія	Уладзімірская і Суздальская
Тып	мужчынскі
Заснавальнік	князь Барыс Канстанцінавіч
Дата заснавання	1352
Статус	Аб’ект культурнай спадчыны РФ № 3310133000№ 3310133000
Стан	Музей-запаведнік
Сайт	museum.vladimir.ru
Медыяфайлы на Вікісховішчы

Першапачаткова манастыр быў Спаскім, пазней стаў называцца Спаса-Яўфім'евым ў гонар першага ігумена манастыра - святога вялебнага Яўфіма Суздальскага.

Першапачатковыя драўляныя пабудовы манастыра не захаваліся, цяперашні выгляд ансамбля склаўся ў XVI-XVII стагоддзях. Узвядзенне грандыёзных пабудоў манастыра аказалася магчымым дзякуючы буйным ахвяраванням княжацка-баярскай шляхты. Буйныя ўклады былі падараваныя вялікім князем Васілём III, царом Іванам Грозным, князямі Пажарскімі і інш

7 ліпеня 1445 г. ля сцен манастыра адбылася бітва рускіх войскаў пад камандаваннем Васіля II з казанскім войскам, пад камандаваннем казанскіх царэвічаў - Махмуда і Якуба (сыноў хана Улу-Мухамеда), у якой Васіль пацярпеў жорсткую паразу і быў узяты ў палон.

У 1511 годзе архімандрытам Спаса-Яўфім'ева манастыра быў Кірыл, пазней стаў арцыбіскупам Растоўскім, Яраслаўскім і Белазерскім.

Галоўны храм манастыра - Спаса-Праабражэнскі сабор (канец XVI стагоддзя) - пабудаваны ў традыцыях старажытнай белакаменнай архітэктуры Суздаля, ён манументальны і строгі. Гонар сабора - фрэскі XVI ст., адкрытыя рэстаўратарамі на фасадах, і роспісы вядомых майстроў XVII стагоддзя Гурыя Нікіціна і Сілы Савіна.

Каля ўсходняй сцяны сабора знаходзіцца магіла князя Дзмітрыя Міхайлавіча Пажарскага.

Літаратура

• Лаўрэцкі Г. А. Су́здальскі Спа́са-Яўфі́м’еў манасты́р // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 257. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

Сусветная спадчына ЮНЕСКА, аб’ект № 633-007 рус. • англ. • фр.

• На Вікісховішчы ёсць медыяфайлы па тэме Спаса-Яўфім'еў манастыр
• Уладзіміра-Суздальскі Музей-Запаведнік Архівавана 1 жніўня 2010.